देशभरात सध्या करोनाचा कहर सुरु आहे. गेल्या एका वर्षाहून अधिक काळापासून करोनामुळे सर्वच क्षेत्रांवर मोठा परिणाम झाला आहे. करोनाच्या प्रादुर्भावामुळे अनेक महत्त्वाच्या परीक्षा रद्द करण्यात आल्या, तर अनेक परीक्षा पुढे ढकलण्यात आल्या आहेत. आता देशातल्या दहावी आणि बारावी बोर्डांच्या परीक्षाही अनेक राज्यांनी रद्द केल्या आहेत. जाणून घेऊ याबद्दल सविस्तर... केंद्राचा परीक्षा रद्द करण्याचा निर्णय... Government of India has decided to cancel the Class XII CBSE Board Exams. After extensive consultations, we have taken a decision that is student-friendly, one that safeguards the health as well as future of our youth. — Narendra Modi (@narendramodi) June 1, 2021 करोनाच्या प्रादुर्भावामुळे केंद्रीय माध्यमिक शिक्षण मंडळाच्या (सीबीएसई) बारावीच्या परीक्षा रद्द करण्याचा निर्णय पंतप्रधान नरेंद्र मोदी यांच्या अध्यक्षतेखालील बैठकीत मंगळवारी घेण्यात आला. त्यापाठोपाठ ‘सीआयएससीई’नेही बारावीची परीक्षा रद्द करण्यात आल्याची घोषणा केली. राज्य मंडळाने किंवा राज्याच्या शिक्षण विभागाने बारावीची परीक्षा रद्द करण्याची अधिकृत भूमिका जाहीर केली नसली तरी तसे स्पष्ट संकेत दिले आहेत. परीक्षा रद्द...योगी सरकारचा निर्णय. कोविड महामारी की वर्तमान परिस्थितियों के दृष्टिगत बच्चों की स्वास्थ्य सुरक्षा हमारी शीर्ष प्राथमिकता है। आदरणीय प्रधानमंत्री जी की प्रेरणा से @UPGovt ने निर्णय लिया है कि वर्तमान शैक्षिक सत्र में माध्यमिक शिक्षा परिषद की 10वीं व 12वीं की बोर्ड परीक्षा का आयोजन नहीं किया जाएगा। — Yogi Adityanath (@myogiadityanath) June 3, 2021 विद्यार्थ्यांच्या आरोग्याची सुरक्षितता हे सर्वात जास्त महत्त्वाचं असल्याचं सांगत उत्तर प्रदेश सरकारनेही या शैक्षणिक वर्षातल्या दहावी आणि बारावीच्या परीक्षा रद्द करण्याचा निर्णय घेतला आहे. उत्तरप्रदेशचे मुख्यमंत्री योगी आदित्यनाथ यांनी आपल्या ट्विटर अकाऊंटवरुन याबद्दल माहिती दिली आहे. गुजरात सरकारनेही रद्द केल्या परीक्षा. In the wider health interests of the students, Gujarat Govt, under the direction of CM Shri @vijayrupanibjp, cancels Gujarat Secondary and Higher Secondary Education Board Class-12 examination in view of the prevailing situation of COVID-19 pandemic. pic.twitter.com/Z5YmXNIRxl — CMO Gujarat (@CMOGuj) June 2, 2021 केंद्राच्या निर्णयानंतर लागलीच गुजरात बोर्डाने देखील राज्यातल्या १२वीच्या बोर्डाच्या परीक्षा रद्द करण्याचा निर्णय घेतला आहे. विशेष म्हणजे हा निर्णय घेण्याच्या फक्त २४ तास आधी गुजरात बोर्डाने बारावीच्या परीक्षांचं सुधारित वेळापत्रक जाहीर केलं होतं. त्यानुसार १ जुलैपासून बारावी पुनर्परीक्षा आणि बाह्य विद्यार्थ्यांच्या परीक्षा सुरू होणार होत्या. मात्र, केंद्र सरकारच्या निर्णयानंतर गुजरात बोर्डाच्या परीक्षा देखील रद्द करण्यात आल्या आहेत. आणखी वाचा- वेळापत्रक जाहीर केल्यानंतर २४ तासातच १२वीच्या परीक्षा रद्द! गुजरात बोर्डाचा निर्णय! राजस्थान सरकारनेही घेतला निर्णय.. वीडियो कॉन्फ्रेंस के माध्यम से हुई राज्य मंत्रिपरिषद की बैठक में राजस्थान माध्यमिक शिक्षा बोर्ड, अजमेर की दसवीं एवं बारहवीं की बोर्ड परीक्षाओं को निरस्त करने का निर्णय किया गया है। — Ashok Gehlot (@ashokgehlot51) June 2, 2021 करोना प्रादुर्भावाच्या पार्श्वभूमीवर राजस्थान बोर्डाच्या दहावी आणि बारावीच्या परीक्षाही रद्द करण्याचा निर्णय घेतला आहे. राजस्थानचे मुख्यमंत्री अशोक गेहलोत यांनीही ट्विट करत याबद्दल माहिती दिली आहे. आणखी वाचा- बारावीच्या परीक्षांबाबत अजूनही निर्णय नाहीच! मंत्रिमंडळ बैठकीतील चर्चेवर शिक्षणमंत्री म्हणतात…! महाराष्ट्र सरकार अद्याप विचाराधीन... मंत्रिमंडळ बैठकीनंतर प्रसारमाध्यमांशी संवाद #HSCExams -12वी बोर्डाच्या परीक्षेच्या संदर्भात आज मंत्रिमंडळ बैठकीत चर्चा झाली. याबाबतचा प्रस्ताव शालेय शिक्षण विभागाकडून राज्य आपत्ती व्यवस्थापन विभागाकडे पाठवला जाईल. त्यानंतर अंतिम निर्णय घेतला जाईल.#hsc #BoardExams pic.twitter.com/gJf7JA8dzU — Varsha Gaikwad (@VarshaEGaikwad) June 2, 2021 काल झालेल्या राज्य मंत्रिमंडळाच्या बैठकीत बारावीच्या परीक्षांबाबत चर्चा झाली. मात्र, निर्णय झाला नाही. या बैठकीनंतर माध्यमांशी बोलताना राज्याच्या शालेय शिक्षणमंत्री वर्षा गायकवाड म्हणाल्या, “शालेय शिक्षण विभागाच्या माध्यमातून आपत्ती व्यवस्थापन विभागाला ही फाईल पाठवत आहोत. आज किंवा उद्या त्यांची बैठक होईल. त्यात ते फाईलवर निर्णय घेतील आणि त्यानुसार आम्ही तुम्हाला अतिरिक्त माहिती देऊ. सध्याच्या कोविडच्या परिस्थितीमध्ये सर्व निर्णय हे आपत्ती व्यवस्थापन विभागाकडून घेतले जात आहेत. त्यानुसार आम्ही ती फाईल त्यांच्याकडे पाठवली आहे”.
