देशभरात करोनाचे ३ हजार ९०० नवे रुग्ण गेल्या २४ तासात पॉझिटिव्ह आढळले आहेत. त्यामुळे देशातल्या करोनाग्रस्तांची संख्या ४६ हजार ४३३ इतकी झाली आहे. देशभरात गेल्या २४ तासात १९५ रुग्णांचा मृत्यू झाला आहे. केंद्रीय आरोग्य मंत्रालयाचे सह सचिव लव अग्रवाल यांनी ही माहिती दिली आहे.

देशात मागील २४ तासांमध्ये १ हजार २० लोक बरे झाले आहेत. त्यामुळे देशभरात बरे होणाऱ्या रुग्णांची संख्या १२ हजार ७२६ झाली आहे. असंही आरोग्य मंत्रालयाने म्हटलं आहे.