जम्मू-काश्मीर : शोपियांमध्ये दोन दहशतवाद्यांचा खात्मा

किलोरा भागात चकमक सुरू

जम्मू-काश्मीरमधील शोपीया जिल्ह्यामधील किलोरा भागात जवान व दहशतवाद्यांमध्ये झालेल्या चकमकीत, दोन दहशतवाद्यांचा खात्मा करण्यात जवानाना यश आलं आहे. अद्यापही चकमक सुरू आहे. जवानांनी परिसरास वेढा दिलेला आहे.

किलोरा गावात दहशतवादी दडून बसलेले असल्याची माहिती जवानांना मिळाली होती. त्यानुसार जवानांनी शोधमोहीम सुरू केली होती. परिसरास वेढा दिल्यानंतर दहशतवाद्यांकडून जवानांवर गोळीबार सुरू झाला. प्रत्युतरात जवानांनी केलेल्या गोळीबारात दोन दहशतवाद्यांचा खात्मा झाला. अद्यापही या ठिकाणी चकमक सुरू असल्याची माहिती समोर आली आहे.

दरम्यान, भारतीय सुरक्षा संस्थाबरोबरच गुप्तचर संस्थांसमोर गुन्हेगारी व दहशतादाचे एक नवे रुप आले आहे. भारतीय सैन्य व गुप्तचर संस्थांच्या सर्तकतेमुळे पाकिस्तान, आयएसआय व दहशतवादी संघटनांना आपल्या कारवाया करण्यात अपयश येत आहे. यामुळे आता आयएसआय व दहशतवादी संघटनांनी भारतातील गुन्हेगारी जगताचा यासाठी वापर करणे सुरू केले आहे. देशात दहशतवादी कारवाया घडवण्यासाठी आता स्थानिक गँगस्टर्सवर जबाबदारी सोपवली जात असल्याचे दिसून येत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Two unidentified terrorists killed in an encounter with security forces in kiloora area of shopian district msr

ताज्या बातम्या