खलिस्तानवादी पन्नूच्या हत्येचा कट अमेरिकेने उधळला; भारताला जूनमध्ये इशारा देण्यात आल्याचा दावा

हेही वाचा >>> मणिपूरला जायला वेळ नाही, सामना बघायला आहे; प्रियंका गांधींची टीका

‘‘पंतप्रधान नरेंद्र मोदी यांच्या जूनमध्ये झालेल्या अमेरिका दौऱ्यानंतर अमेरिकेने भारताकडे या प्रकरणी नाराजी व्यक्त केली. हा कट रचणाऱ्यांना त्यापासून परावृत्त करण्यास भारतास भाग पाडले गेले, की अमेरिकेची तपास यंत्रणा ‘फेडरल ब्यूरो ऑफ इन्व्हेस्टिगेशन’ने (एफबीआय) यात हस्तक्षेप करून हा कट हाणून पाडला, हे मात्र संबंधित अधिकाऱ्यांनी स्पष्ट केले नाही’’, असा दावा या वृत्तात करण्यात आला आहे. पन्नूकडे अमेरिका आणि कॅनडाचे दुहेरी नागरिकत्व आहे. पन्नू हा खलिस्तान समर्थक फुटीरतावादी गट ‘शिख फॉर जस्टिस’चा म्होरक्या आहे. भारतीय दूतावासातील कर्मचाऱ्यांना तो सातत्याने धमक्या देत असतो. त्याने अलीकडे कॅनडाच्या नागरिकांना ‘एअर इंडिया’च्या विमानांनी प्रवास न करण्याचा इशारा दिला होता. त्यासाठी त्याने खलिस्तानी दहशतवाद्यांनी भारताच्या ‘कनिष्क’ विमानात घडवलेल्या बॉम्बस्फोटाची आठवण करून दिली होती. या दुर्घटनेत तीनशेहून अधिक प्रवासी मृत्युमुखी पडले होते. त्यातील बहुसंख्य कॅनडाचे नागरिक होते.