जनतेला संशयाची लस देऊ नका; केंद्रीय आरोग्यमंत्र्यांनी सुनावलं

काही लोक खोटी माहिती स्वीकारतात आणि खोटी माहिती पसरवतात, असं म्हणत केंद्रीय आरोग्यमंत्र्यांनी दिल्लीचे उपमुख्यमंत्री मनिष सिसोदिया यांचा एक व्हिडीओ ट्विट केला होता. या ट्विटवरून सिसोदिया यांनी भूमिका मांडत काही सवाल केले होते. मनिष सिसोदिया यांनी केलेल्या ट्विटनंतर हर्ष वर्धन यांनी पुन्हा ट्विटमधून त्याला उत्तर दिलं.

vaccination in india : लसीकरणाचा वेग मंदावला

काय म्हणाले होते मनिष सिसोदिया?

“डॉक्टर साहेब, २१ जूननंतर केंद्र सरकार दिल्लीसाठी लस पुरवणार आहे का की, दिल्ली सरकारने जी लस खरेदी केलेली आहे, तीच जूनमध्ये मिळणार आहे? जुलै महिन्यात दिल्लीला फक्त १५ लाख लसींचे डोसचा पुरवठा करणार आहेत? असं असेल, तर तुम्ही स्वतःच विचार करा या वेगाने लसीकरणासाठी आणखी १५-१६ महिने लागतील,” असं सिसोदिया म्हणाले होते.

डॉक्टर साहब! क्या भारत सरकार दिल्ली के लिए 21 जून के बाद वैक्सीन की कोई सप्लाई देने जा रही है या दिल्ली सरकार ने जो वैक्सीन ख़रीदी थीं, जून में केवल उतनी हो मिलेंगी?

जुलाई के महीने में भी दिल्ली के लिए केवल 15 लाख वैक्सीन?

आप खुद ही सोचिए इस दर से तो अभी 15-16 महीने लगेंगे. https://t.co/sVSqZIHepo

— Manish Sisodia (@msisodia) June 22, 2021

केंद्रीय आरोग्यमंत्री हर्ष वर्धन काय म्हणाले?

“दिल्लीच्या जनतेला संशयाची लस देऊ नका आणि मनाप्रमाणे आकडेमोड करून नका. जूनमध्ये दिल्ली सरकारने ५.६ लाख डोस खरेदी केले होते. त्याशिवाय केंद्राने खरेदी केलेल्या लस साठ्यातून ८.८ लाख अतिरिक्त लसींचे डोस मोफत पुरवण्यात आले आहेत आणि उर्वरित मागणी जून २०२१ च्या अखेरीपर्यंत पूर्ण केली जाईल,” असं उत्तर हर्ष वर्धन यांनी दिलं.

दिल्ली की जनता को भ्रम की वैक्सीन न लगाएं और न ही मन के कैलकुलेटर से आकलन करें।

जून में दिल्ली सरकार ने जो 5.6 लाख डोज़ वैक्सीन ख़रीदी थीं,उसके अलावा केंद्र की ख़रीद के तहत दिल्ली को अतिरिक्त 8.8 लाख मुफ़्त डोज़ प्रदान की गईं हैं और शेष आपूर्ति जून, 2021 के अंत तक पूरी की जाएगी। https://t.co/4K2uZSlfOn

— Dr Harsh Vardhan (@drharshvardhan) June 22, 2021

हेही वाचा- देशात संपूर्ण लसीकरणासाठी २०७ दिवस!

केंद्रीय आरोग्यमंत्र्यांनी दिल्ली सरकारकडे उपलब्ध असलेल्या लस साठ्याची माहिती दिली. दिल्ली सरकारकडे सध्या ९.९ लाख डोस शिल्लक आहेत. २१ जूनपासून पुढे केंद्र सरकारने दिलेली लस असो वा राज्य सरकारने खरेदी केलेली, ती १८ वर्षांपुढील नागरिकांना देता येऊ शकते. लसीकरणावरून दिल्ली सरकार खोट्याचं राजकारण करत आहे. २१ जून रोजी दिल्ली सरकारकडे लसीचे ११ लाख डोस होते, पण दिल्लीचे उपमुख्यमंत्री म्हणाताहेत की, लसच नाही,” अशी टीका हर्ष वर्धन यांनी केली.