उत्तराखंडचे शिक्षण मंत्री धन सिंह रावत यांनी वेद, रामायण आणि भगवद् गीतेवर आधारित अभ्यासक्रम शाळांमध्ये शिकवला गेला पाहिजे असं मत व्यक्त केलंय. शालेय शिक्षणामध्ये हिंदू धर्मांमधील ग्रंथ आणि वेदांचा समावेश करण्यात आला पहिजे असं शिक्षण मंत्र्यांनी म्हटलंय. धन सिंह रावत यांनी उत्तरखंडचा इतिहास आणि भौगोलिक परिस्थितीबद्दल म्हणजेच भूगोलाबद्दल शिकवलं जाणार आहे असंही सांगितलं, नवीन शैक्षणिक धोरणानुसार भारतीय इतिहासावर आणि परंपरांवर आधारित शैक्षिणक धोरण तयार केलं जाणार असल्याचं उत्तराखंडच्या शिक्षण मंत्र्यांनी स्पष्ट केलं. वेद पुराण आणि गितेसहीत स्थानिक भाषांनाही अभ्यासक्रमामध्ये प्राधान्य दिलं जाणार आहे असंही ते म्हणाले. देशात लागू झालेलं नवीन शिक्षण धोरण अंमलात आणणारं उत्तराखंड हे पहिलं राज्य ठरणार आहे. "लवकरच नवीन अभ्यासक्रम तयार केला जाईल. मंत्रीमंडळाच्या बैठकीमध्ये यावर शिक्कामोर्तब लवकरच केल जाणार नाही," असंही शिक्षण मंत्री म्हणाल्याचं वृत्त इंडिया टुडेने दिलं आहे. सुत्रांनी दिलेल्या माहितीनुसार उत्तराखंडचा इतिहास, राज्य निर्मितीचा इतिहास आणि राज्यातील थोर व्यक्तींचा इतिहास विद्यार्थ्यांना नवीन अभ्यासक्रमाच्या माध्यमातून शिकवला जाणार आहे.
