वाराणसीच्या देव दिवाळीत पंतप्रधान नरेंद्र मोदींचा ‘व्होकल फॉर लोकल’चा नारा

#WATCH PM Narendra Modi at Dev Deepawali Mahotsav in Varanasi https://t.co/6M8npqHYt2

— ANI (@ANI) November 30, 2020

काशीतले नागरिक हे देवाचं रुप आहे कारण ही देवाची भूमी आहे असंही पंतप्रधान नरेंद्र मोदी यांनी म्हटलं आहे. तसंच प्रयागराज, काशी, अयोध्या या ठिकाणी विकास होतो आहे. काही लोकांच्या पोटात दुखतं आहे मात्र त्या विरोधाला न जुमानता या तिन्ही ठिकाणी विकास करतो आहोत. प्रभू रामचंद्रांचं मंदिर व्हावं ही आपली सगळ्यांची इच्छा होती त्या मंदिराच्या बांधकामालाही सुरुवात झाली आहे असंही पंतप्रधान नरेंद्र मोदी यांनी म्हटलं आहे.

पंतप्रधान नरेंद्र मोदी यांच्या हस्ते काशी विश्वेश्वराची पूजा करण्यात आली. त्यानंतर पंतप्रधान नरेंद्र मोदी यांनी वाराणसीतल्या नागरिकांना संबोधित केलं. काशी ही संपूर्ण जगाला प्रकाश देणारी नगरी आहे असंही पंतप्रधान नरेंद्र मोदी यांनी यावेळी म्हटलं आहे. करोनाच्या काळात आपल्या देशाने आत्मनिर्भर भारत ही मोहीम राबवली फक्त राबवलीच नाही तर यशस्वी करुनही दाखवली त्यामुळे मला आपल्या देशवासीयांचा अभिमान आहे असंही पंतप्रधान नरेंद्र मोदींनी म्हटलं आहे.