West Bengal Election 2021 Result: ममता बॅनर्जींचा निवडणूक आयोगाविरोधात कोर्टात जाण्याचा इशारा

ममता बॅनर्जी यांनी हा लोकांचा विजय असल्याचं म्हटलं आहे. दरम्यान नंदीग्राममध्ये सुरु असलेल्या नाट्यमय घडामोडींवरुन त्यांनी निवडणूक आयोगावर निशाणा साधला आहे. निवडणूक आयोग सूडाने वागत असल्याची टीका त्यांनी इंडिया टु़डेशी बोलताना केली आहे. निवडणूक आयोगाकडून आपल्याला त्रास दिला जात असून पुन्हा मतमोजणी करण्याची मागणी केली असल्याचं सांगितलं आहे. 

पश्चिम बंगालमधील विजयासाठी पंतप्रधान नरेंद्र मोदींनी ममता बॅनर्जी यांचं अभिनंदन केलं आहे. पश्चिम बंगालमधील लोकांच्या सर्व आकांक्षा पूर्ण करण्यासाठी तसंच करोना संकटाशी लढण्यासाठी केंद्राकडून शक्य ती सर्व मदत केली जाईल असं आश्वासन मोदींनी दिलं आहे. 

Congratulations to Mamata Didi for @AITCofficial's win in West Bengal. The Centre will continue to extend all possible support to the West Bengal Government to fulfil people’s aspirations and also to overcome the COVID-19 pandemic. @MamataOfficial

— Narendra Modi (@narendramodi) May 2, 2021

राज्याचे अन्न आणि नागरी पुरवठा मंत्री तथा नाशिकचे पालकमंत्री छगन भुजबळ यांनी पश्चिम बंगालमधील विजयाबद्दल ममता बॅनर्जी यांचं कौतुक केलं आहे. ममता बॅनर्जी झाशीच्या राणीप्रमाणे लढल्या अशा शब्दांत त्यांनी कौतुक केलं. दरम्यान छगन भुजबळ यांनी ममता बॅनर्जींचं कौतुक केल्यानंतर भाजपा प्रदेशाध्यक्ष चंद्रकांत पाटील यांनी त्यांना थेट धमकीवजा इशाराच दिला आहे. सविस्तर वृत्त वाचण्यासाठी येथे क्लिक करा

बंगालच्या मतदारांनी भरभरून ममतांना पाठिंबा दिला आणि सबंध देशाच्या सत्तेला पराभूत केलं. हा निकाल मोठ्या मनाने स्वीकारायला हवा होता. पण ज्या पद्धतीने तिथे जे चाललंय याला 'रडीचा डाव' एवढंच म्हणता येईल अशी टीका राष्ट्रवादी काँग्रेसचे अध्यक्ष शरद पवार यांनी केली आहे. 

रडीचा डाव!
बंगालच्या मतदारांनी भरभरून ममतांना पाठींबा दिला आणि सबंध देशाच्या सत्तेला पराभूत केलं. हा निकाल मोठ्या मनाने स्वीकारायला हवा होता. पण ज्या पद्धतीने तिथे जे चाललंय याला 'रडीचा डाव' एवढंच म्हणता येईल!

— Sharad Pawar (@PawarSpeaks) May 2, 2021

मी निकाल मान्य करते. पण निवडणुकीचे निकाल जाहीर झाल्यानंतर काहीतरी छेडछाड करण्यात आल्याची माहिती माझ्याकडे असून याविरोधात कोर्टात जाणार आहे. मी सत्य समोर आणणार - ममता बॅनर्जी

I accept the verdict. But I will move the Court because I have information that after the declaration of results there were some manipulations done and I will reveal those: West Bengal CM Mamata Banerjee pic.twitter.com/JM88edOgAa

— ANI (@ANI) May 2, 2021

एकीकडे तृणमूल काँग्रेसला स्पष्ट बहुमत मिळालेलं असताना दुसरीकडे ममता बॅनर्जी यांचा नंदीग्राममध्ये पराभव झाल्याचा भाजपाचा दावा आहे. भाजपाचे सुवेंदू अधिकारी यांनी १६२२ मतांनी ममता बॅनर्जी यांचा पराभव केला असं ट्विट भाजपा नेते अमित मालवीय यांनी केलं आहे. भाजपा नेते अमित मालवीय यांनी ममता बॅनर्जी यांच्याकडे पुन्हा मुख्यमंत्री होण्याचा नैतिक हक्क नसल्याचं म्हटलं आहे. 

This is BIG.

Mamata Banerjee, the sitting Chief Minister, loses Nandigram.

BJP’s Suvendu Adhikari wins by 1,622 votes.

After this crushing defeat what moral authority will Mamata Banerjee have to retain her Chief Ministership?

Her defeat is a taint on TMC’s victory...

— Amit Malviya (@amitmalviya) May 2, 2021

The counting process for Nandigram has not been completed. Please do not speculate.

— All India Trinamool Congress (@AITCofficial) May 2, 2021

नंदीग्राममध्ये ममता बॅनर्जींचा विजय झाला आहे की पराभव यावरुन चर्चा सुरु असताना तृणमूलने अद्याप मतमोजणी सुुरु असून कोणतेही अंदाज व्यक्त करु नका असं आवाहन केलं आहे.

भाजपाचा पराभव झाला आहे. त्यांनी घाणेरडं राजकारण केलं. आम्ही निवडणूक आयोगाकडून खूप त्रास सहन केला असं ममता बॅनर्जी यांनी सांगितलं. नंदीग्रामबद्दल चिंता करु नका, आम्ही एक लढा दिल्याने मला तिथे जास्त संघर्ष करावा लागला. तेथील लोक जो कौल देतील तो मला मान्य आहे. आम्ही २२१ हून जास्त जागा जिंकल्या असून भाजपाचा पराभव झाला आहे असंही त्यांनी म्हटलं आहे. 

Don't worry about Nandigram, I struggled for Nandigram because I fought a movement. It's ok. Let the Nandigram people give whatever verdict they want, I accept that. I don't mind. We won more than 221 seats & BJP has lost the election: West Bengal CM Mamata Banerjee pic.twitter.com/jmp098PF2A

— ANI (@ANI) May 2, 2021

या मोठ्या विजयासाठी आम्ही जनतेचे आभारी आहोत. मी तात्काळ करोनासंबंधित कामाला सुरुवात केली आहे. करोनामुळे  शपथविधी सोहळा अत्यंत साध्या पद्धतीने केला जाईल असं ममता बॅनर्जी यांनी सांगितल आहे.

We are grateful to the people for this landslide victory. I have to start working for COVID19 immediately. The swearing-in will be a low-key event because of the prevailing COVID19 situation: West Bengal CM Mamata Banerjee pic.twitter.com/0eYjUkYHPZ

— ANI (@ANI) May 2, 2021

पश्चिम बंगालमध्ये भाजपाने तीन जागांवरुन मारलेली मजल मोठी आहे. पण ज्या बंगालमध्ये आमचं अस्तित्व नव्हतं तिथे तीन मुख्य पक्ष होते. पण बंगाल आता कम्युनिस्ट आणि काँग्रेसमुक्त झाला आहे. तिथे उजव्या विचारांना भक्कम पाया लाभला आहे अशी प्रतिक्रिया विधानसभा विरोधी पक्षनेते देवेंद्र फडणवीस यांनी दिली आहे. महाविकास आघाडीचे नेते दुसऱ्याच्या घरी मूल झालं म्हणून ढोल बडवत आहेत, मिठाई वाटत आहेत. बेगानी शादीमे अब्दुल्ला दीवाना म्हणजे काय हे आज पाहिलं असा टोला यावेळी त्यांनी लगावला. मोदी आणि अमित शाह यांची लोकप्रियता कमी झालं असं नाही. या संदर्भातील उचित विश्लेषण केंद्रीय मंत्री करतील असंही त्यांनी सांगितलं. 

राज्याचे मुख्यमंत्री उद्धव ठाकरे यांनी पश्चिम बंगालमधील विजयाबद्दल ममता बॅनर्जी यांचं कौतुक केलं आहे. 

"ममता बॅनर्जी या बंगाली जनतेच्या स्वाभिमानाचा लढा एकाकी लढत होत्या. त्याच्या हिंमतीला दाद द्यावीच लागेल. अखेर त्यांचा विजय झालाच आहे. या विजयाचे संपूर्ण श्रेय या वाघिणीलाच द्यावे लागेल. पंतप्रधानांपासून गृहमंत्र्यांपर्यंत संपूर्ण केंद्र सरकार, राज्यांची सरकारं ममतादीदींच्या पराभवासाठी पश्चिम बंगालच्या भूमीवर एकवटली. त्या सर्व शक्तींची धूळदाण उडवत ममतादीदींनी विजय मिळवला. मी त्यांचे व हिंमतबाज पश्चिम बंगाल जनतेचे मनापासून अभिनंदन करतो. आता राजकारण संपले असेल तर सर्वांनी मिळून करोनाविरोधातील लढाईकडे लक्ष देऊया," असं उद्धव ठाकरेंनी म्हटलं आहे. 

मला सर्वांचे आभार मानायचे आहेत. कोणीही विजयी मिरवणूक काढू नये अशी माझी विनंती आहे. सर्वांनी आपापल्या घरी जावं असं आवाहन ममता बॅनर्जी यांनी निवासस्थानाबाहेर जमलेल्या समर्थकांना केलं असून संध्याकाळी ६ नंतर प्रसारमाध्यमांशी संवाद साधेन अशी माहिती दिली. 

I would like to thank everyone. I request all to not take out victory processions. I urge everyone to go back to their homes now. I will address the media after 6pm: West Bengal CM Mamata Banerjee pic.twitter.com/N8NfdFfGhK

— ANI (@ANI) May 2, 2021

नंदीग्रामचा निकाल लागल्यानंतर ममता बॅनर्जी यांनी आपल्या निवासस्थानी उपस्थित कार्यकर्ते आणि प्रसारमाध्यमांशी संवाद साधत मतदारांचे आभार मानले. तुम्ही माझ्यावर दाखवलेल्या विश्वासाबद्दल धन्यवाद अशा शब्दांत त्यांनी आभार मानले. 

देशभरामध्ये चर्चेत असणाऱ्या पश्चिम बंगालच्या विधानसभा निवडणुकीमध्ये पुन्हा एकदा बंगालच्या जनतेने ममता बॅनर्जींच्या तृणमूल काँग्रेसच्या बाजूने कौल दिला आहे. पश्चिम बंगालमध्ये पुन्हा एकदा ममता बॅनर्जीच मुख्यमंत्री पदी विराजमान होणार हे आता जवळजवळ निश्चित झालं आहे. याच पार्श्वभूमीवर महाराष्ट्र नवनिर्माण सेनेचे अध्यक्ष राज ठाकरे यांनी ममता यांना निवडणुकीतील विजयासाठी शुभेच्छा दिल्यात. येथे क्लिक करुन वाचा सविस्तर वृत्त

#BengalElections2021 #MamtaBanerjee #Didi @MamataOfficial @AITCofficial pic.twitter.com/RKWBoSAClM

— Raj Thackeray (@RajThackeray) May 2, 2021

पश्चिम बंगालमध्ये झालेल्या पराभवानंतर भाजपाकडून पहिल्यांदाच मोठ्या नेत्याकडून ममता बॅनर्जी यांचं अभिनंदन करण्यात आलं आहे. केंद्रीय संरक्षण मंत्री राजनाथ सिंग यांनी ट्विट करत ममता बॅनर्जी यांचं अभिनंदन केलं आहे. 

Congratulations to the Chief Minister of West Bengal, @MamataOfficial Didi on her party’s victory in West Bengal assembly elections. My best wishes to her for her next tenure.

— Rajnath Singh (@rajnathsingh) May 2, 2021

पश्चिम बंगालच्या मुख्यमंत्री ममता बॅनर्जी यांनी अखेर नंदीग्राम मतदारसंघातून विजय मिळवला आहे. सुरुवातीच्या फेऱ्यांमध्ये पिछाडीवर असल्याने ममता बॅनर्जींचा पराभव होण्याची शंका निर्माण झाली होती. पण नंतर ममता बॅनर्जी यांनी जोरदार मुसंडी मारली आणि भाजपाचे सुवेंदू अधिकारी यांचा १२०० मतांनी पराभव केला. 

West Bengal CM Mamata Banerjee wins Nandigram constituency by 1200 votes, defeating BJP's Suvendu Adhikari.

(File photo) pic.twitter.com/kMzRKcmqJH

— ANI (@ANI) May 2, 2021

पश्चिम बंगालच्या विजयाची मशाल संपूर्ण देशात एक नवा प्रकाश निर्माण करेल असा विश्वास शिवसेना खासदार संजय राऊत यांनी व्यक्त केला आहे. एक स्त्री, एक जखमी वाघीण मैदानात उतरुन एकटी लढत होती, त्यांच्या पक्षाला उद्धवस्त केलं, नेत्यांना तोडलं, दबाव आणला, केंद्रीय यंत्रणांचा दवाब आणला. आपलेच लोक विरोधात उभे असतानाही बंगालची वाघीण मागे हटली नाही, लढत राहिली आणि ऐतिहासिक विजय मिळवला आहे. हे संपूर्ण देश आणि राजकारणासाठी प्रेरणादायी आहे अशा शब्दांत संजय राऊत यांनी कौतुक केलं आहे. 

कूच बेहर येथील भाजपा कार्यालयाची आणि उमेदवार मिहीर गोस्वामी यांच्या कारची तोडफोड करण्यात आली आहे. 

नंदीग्राम मतदारसंघात सध्या तृणमूल काँग्रेस अध्यक्ष ममता बॅनर्जी व भाजपाचे सुवेंदू अधिकारी यांच्या अटीतटीची लढत सुरू असल्याचं दिसत आहे. काही वेळापूर्वी आघाडीवर गेलेल्या ममता बॅनर्जींना आता शुभेंदु अधिकारींनी पुन्हा एकाद मुसंडी मारत पिछाडीवर टाकलं आहे. 

पश्चिम बंगालमध्ये तृणमूल काँग्रेसच्या विजय होत असल्याचं जवळपास स्पष्ट झालं आहे. या पार्श्वभूमीवर आता राजकीय नेतेमंडळींच्या प्रतिक्रिया समोर येत आहेत. तृणमूल काँग्रेसचे सरचिटणीस पार्थ चॅटर्जी यांनी म्हटले आहे की, ''बंगालची जनता ममता बॅनर्जींच्या सोबत आहे.  ममता बॅनर्जींवर आणि बंगालच्या लोकांवर करण्यात आलेल्या अपमानकारकर टिप्पणीला व हल्ल्यांना जनतेने चोख प्रत्युत्तर दिलं आहे.''

पश्चिम बंगालमध्ये ममता बॅनर्जींची विजयाची हॅट्रीक होत असल्याचे जवळपास स्पष्ट झाले आहे. या पार्श्वूभीमवर आता त्यांच्यावर शुभेच्छांचा वर्षाव सुरू झाला आहे. दिल्लीचे मुख्यमंत्री अरविंद केजरीवाल, राष्ट्रवादी काँग्रसेचे अध्यक्ष शरद पवार, पीडीपी प्रमुख महबुबा मुफ्ती यांनी त्यांना शुभेच्छा दिल्या आहेत.

हावडातील शिवपूर विधानसभा मतदारसंघातून टीएमसीच्या मनोज तिवारींना विजय मिळला आहे. क्रिकेटरचे नेता बनलेल्या मनोज तिवारी यांनी ३२ हजार मतांनी विजय मिळवला आहे. 

पक्षाला स्पष्ट बहुमत मिळत असल्याचं पाहून भाजपा कार्यालयाबाहेर तृणमूल समर्थकांनी मोठी गर्दी केली आहे. पोलीस यावेळी गर्दीवर नियंत्रण मिळवण्याचा प्रयत्न करत आहेत. 

#WATCH Trinamool Congress supporters in large numbers gathered outside the BJP office in Kolkata's Hastings area, as TMC leads in 200 plus seats #WestBengalElections pic.twitter.com/KywRZVoq2v

— ANI (@ANI) May 2, 2021

तृणमूल काँग्रेसचे नेते सुजॉय बॅनर्जी ११ हजार ५२२ मतांनी पुरुलिया मतदारसंघातून आघाडीवर आहेत. त्यांच्यासमोर काँग्रेसचे नेते पार्थ बॅनर्जी यांचं आव्हान आहे. पार्थ बॅनर्जी ३२८३ मतांनी पिछाडीवर आहेत. 

चार राज्यातील निवडणुका संपल्या आणि निकालही लागले. त्यामुळं आता पेट्रोल-डिझेलचे थांबलेले दर पुन्हा एकदा वाढू लागतात की काय आणि जनतेला आणखी महागाईच्या खाईत लोटतात की काय असं वाटू लागलंय असं ट्विट करत राष्ट्रवादी काँग्रेसचे आमदार रोहित पवार यांनी केंद्रावर निशाणा साधला आहे. 

चार राज्यातील निवडणुका संपल्या आणि निकालही लागले. त्यामुळं आता पेट्रोल-डिझेलचे थांबलेले दर पुन्हा एकदा वाढू लागतात की काय आणि जनतेला आणखी महागाईच्या खाईत लोटतात की काय असं वाटू लागलंय! pic.twitter.com/qGPEv6GDLX

— Rohit Pawar (@RRPSpeaks) May 2, 2021

निवडणूक आयोगाने विजयी मिरवणुका आणि जल्लोष करण्यावर बंदी घातलेली असतानाही पश्चिम बंगालमध्ये तृणमूल काँग्रेसचे समर्थक रस्त्यावर उतरले आहेत. पोलिसांनी समजावल्यानंतरही समर्थकांनी फटाके फोडत 'खेला होबे' च्या घोषणा दिला. 

#WATCH | A police personnel instructs TMC supporters to stop celebrations in Asansol

EC asks States/UTs to 'prohibit victory celebrations urgently', also directs that responsible SHOs/officers must be suspended immediately and criminal& disciplinary actions must be initiated pic.twitter.com/QUuVO3CrzV

— ANI (@ANI) May 2, 2021

पश्चिम बंगालमध्ये आपली सत्ता स्थापन करावी यासाठी भाजपा मैदानात उतरली होती. पण पश्चिम बंगालच्या जनतेने पुन्हा एकदा ममता बॅनर्जी यांच्यावर विश्वास व्यक्त केला आणि भाजपाला सत्तेपासून जनतेने दूर ठेवले असं एकनाथ खडसे यांनी म्हटलं आहे. सविस्तर वृत्त वाचण्यासाठी या लिंकवर क्लिक करा

राष्ट्रवादी काँग्रेसचे अध्यक्ष शऱद पवार यांनी पश्चिम बंगाल विधानसभा निवडणुकीतील विजयाबद्दल ममता बॅनर्जी यांचं अभिनंदन केलं आहे. यावेळी त्यांनी लोकांच्या भल्यासाठी तसंच करोनाशी लढण्यासाठी एकत्रित काम करुया असंही म्हटलं आहे. शरद पवार यांनी ट्विट केलं आहे. 

Congratulations @MamataOfficial on your stupendous victory!
Let us continue our work towards the welfare of people and tackling the Pandemic collectively.

— Sharad Pawar (@PawarSpeaks) May 2, 2021

निवडणूक आयोगाने कोणत्याही प्रकारे विजयी जल्लोष साजरा करण्यावर बंदी घातलेली असतानाही पश्चिम बंगालमध्ये तृणमूलच्या कार्यकर्त्यांकडून एकत्र येत सेलिब्रेशन करण्यात आलं. निवडणूक आयोगाने राज्याच्या मुख्य सचिवांना याप्रकरणी कडक कारवाईचे आदेश दिले आहेत. 

Respective State Chief Secretaries have been asked to take immediate action to stop such gatherings: Election Commission of India to ANI pic.twitter.com/eYeo1T1X6Z

— ANI (@ANI) May 2, 2021

नंदीग्राममध्ये पिछाडीवर असणाऱ्या ममता बॅनर्जी यांनी १५०० मतांनी आघाडी घेतली आहे. भाजपाचे सुवेंदू अधिकारी आणि ममता बॅनर्जी यांच्यावर काँटे की टक्कर सुरु असून आतापर्यंत पिछाडीवर असणाऱ्या ममता बॅनर्जी यांनी जोरदार मुसंडी मारली आहे. 

तृणमूल काँग्रेसला स्पष्ट बहुमत मिळत असल्याचं चित्र समोर आल्यानंतर डेरेक ओब्रियन यांनी केंद्रीय गृहमंत्री अमित शाह यांची खिल्ली उडवली आहे. डेरेक ओब्रियन यांनी अमित शाह यांचा एक व्हिडीओ शेअर केला आहे ज्यामध्ये ते भाजपा २०० हून जास्त जागा जिंकू असा दावा करत आहेत. सविस्तर वृत्त 😇😇 pic.twitter.com/HgLVbq5Lni— Derek O'Brien | ডেরেক ও'ব্রায়েন (@derekobrienmp) May 2, 2021

ममता बॅनर्जी यांचे राजकीय सल्लागार आणि राजकीय रणनीतीकार प्रशांत भूषण यांनी बंगालमधील निकालाबाबत मोठी घोषणा केली होती. प्रशांत किशोर यांनी भाजपा दोन अंकी आकडा पार करु शकणार नाही असं भाकीत वर्तवलं होतं. 

“माध्यमातील एक वर्ग भाजपाच्या समर्थनार्थ वातावरण तयार करत आहे. यातून हे स्पष्ट होतंय की भाजपा दोन अंकी संख्या पार करण्यासाठीही धडपडत आहे. माझं आवाहन आहे की, हे ट्विट जपून करून ठेवा आणि जर भाजपानं चांगलं प्रदर्शन केलं तर मी ट्विटर सोडून देईन,” अशी घोषणा किशोर यांनी केली होती.

सध्या येत असलेल्या कलांनुसार तृणमूल काँग्रेसला स्पष्ट बहुमत मिळणार असल्याचं दिसत आहे. त्यामुळे पुन्हा एकदा प्रशांत किशोर यांच्या या ट्विटची चर्चा सुरु आहे. 

पश्चिम बंगालमध्ये सुरुवातीच्या कलांमध्ये तृणमूल काँग्रेसला स्पष्ट बहुमत मिळत असून २०० च्या पुढे जागा मिळवत मोठ्या विजयाची शक्यता आहे. भाजपाला मात्र ८३ जागांवरच विजय मिळत असल्याचं चित्र आहे. 

भाजपा नेते आणि टॉलीगंज येथून उमेदवारी मिळालेले बाबुल सुप्रियो पिछाडीवर आहे. यावर भाजपाचे महासचिवर कैलास वियजवर्गीय यांनी आश्चर्य व्यक्त केलं आहे. "बाबुल सुप्रियो पिछाडीवर आहेत हे पाहून आश्चर्य वाटलं. सध्या काहीच बोलू शकत नाही. संध्याकाळपर्यंत आम्ही बहुमताचा आकडा पार करु असा विश्वास," असल्याचं ते म्हणाले आहेत.

फक्त पश्चिम बंगालच नाही तर संपूर्ण देशाचं लक्ष लागलेल्या नंदीग्राम मतदारसंघात ममता बॅनर्जी यांना मोठा धक्का बसण्याची शक्यता आहे. ममता बॅनर्जी यांना भाजपाचे सुवेंदू अधिकारी कडवी झुंज देत आहेत. चौथ्या फेरीअखेर ममता बॅनर्जी सात हजार मतांनी पिछाडीवर असून सुवेंदू अधिकारी आघाडीवर आहेत. एकीकडे राज्यात तृणमूलला स्पष्ट बहुमत मिळण्याची शक्यता असताना दुसरीकडे मात्र ममता बॅनर्जी यांच्यावर पराभवाचं सावट आहे. 

प्रदेशाध्यक्ष दिलीप घोषण यांनी भाजपाचा विजय होईल असा विश्वास व्यक्त केला आहे. पराभव झाल्यास प्रदेशाध्यक्ष म्हणून ती आपली जबाबदारी असेल असंही यावेळी त्यांनी सांगितलं आहे. 

सर्व जागांचे कल हाती आले असून तृणमूल काँग्रेसला स्पष्ट बहुमत मिळण्याची शक्यता आहे. दरम्यान यानंतर ममता बॅनर्जी यांच्या निवासस्थानाबाहेर हालचाली सुरु झाल्या आहेत.ममता बॅनर्जींच्या निवासस्थानाबाहेर मोठा तंबू उभारण्यात आला असून मोठे स्क्रीनही लावण्यात आले आहेत. ममता बॅनर्जी प्रसारमाध्यमांशी संवाद साधण्याची शक्यता आहे. 

पश्चिम बंगालमधील सर्व २९२ जागांचे सुरुवातीचे कल हाती आले आहेत. यानुसार तृणमूल काँग्रेस मोठी आघाडी घेण्याची शक्यता असून स्पष्ट बहुमत मिळत असल्याचं चित्र स्पष्ट दिसत आहे. तृणमूल काँग्रेसने १९४ जागांवर आघाडी घेतली असून भाजपा मात्र १०० च्या आतच रोखली जाण्याची शक्यता आहे. भाजपा ९३ जागांवर आघाडीवर आहे.