WhatsApp डाऊन झाल्यानंतर कंपनी म्हणते, “आम्हाला माहितीये..”; दीड तासाने आली पहिली प्रतिक्रिया!

काय म्हणणंय ‘मेटा’चं?

युजर्स ट्विटरवर आपला राग व्यक्त करत असताना कंपनीने एएनआयला दिलेल्या प्रतिक्रियेमध्ये यासंदर्भात तातडीने कार्यवाही करत असल्याचं सांगितलं आहे. “आम्हाला माहिती आहे की सध्या काही युजर्सला व्हॉट्सअॅप वापरण्यात अडचणी येत आहेत. आम्ही त्यावर काम करत असून लवकरात लवकर सगळ्यांसाठी सेवा पुन्हा सुरळीत करण्यासाठी आम्ही प्रयत्न करत आहोत”, असं ‘मेटा’च्या प्रवक्त्यांनी सांगितलं आहे.

WhatsApp Outage: तांत्रिक बिघाडामुळे व्हॉट्सअ‍ॅप झालं डाऊन, युजर्सची ट्विटरकडे धाव!

आज दुपारी १२ वाजण्याच्या सुमारास व्हॉट्सअॅपवर काही युजर्सला मेसेज पाठवण्यास अडचणी येऊ लागल्या होत्या. हे मेसेजिंग बंद झाल्यानंतर काही काळाने पर्सनल चॅट्सवरही मेसेज जात नसल्यामुळे युजर्समध्ये अस्वस्थता निर्माण झाली. ट्विटरवर असंख्य युजर्सनी आपला राग व्यक्त केला असून लवकरात लवकर ही समस्या सोडवण्यात यावी, अशी मागणी युजर्सकडून करण्यात येत आहे.