झेंडयाचा खांब चुकवताना स्कूटरस्वार महिलेच्या पायावरुन गेला ट्रक

राजेश्वरीने बिझनेस अॅडमिनिस्ट्रेशनमध्ये पदवी घेतली आहे. ती ऑफीसला जात असताना हा अपघात घडला. राजेश्वरी तिच्या आई-वडिलांची एकुलती एक मुलगी असून पालक तिच्यावर अवलंबून आहेत असे नातेवाईकांनी सांगितले. अनुराधाच्या दुचाकीला धडक देणाऱ्या ट्रकने रस्त्यावरील आणखी एका दुचाकीला धडक दिली. यामध्ये एका व्यक्तीला हाताला आणि गुडघ्याला मार लागला आहे.

सप्टेंबर महिन्यात अशाच प्रकारच्या अपघातात तरुणीचा मृत्यू झाल्यानंतर जनतेमधून मोठया प्रमाणावर रोष व्यक्त झाला होता. चेन्नईमध्ये स्थानिक एआयएडीएमकेच्या नेत्याचे होर्डिंग अंगावर पडल्यानंतर ट्रकच्या चाकाखाली आल्याने एका तरुणीचा मृत्यू झाला होता.

कोईमबतोरमध्ये असलेल्या मुख्यमंत्री ई.पलानीस्वामी यांच्या स्वागताचे अविनासी हायवे वर होर्डिंग लावण्यात आले होते. पोलीस आता प्रकरण दडपून टाकण्याचा प्रयत्न करत आहेत असा आरोप राजेश्वरीच्या कुटुंबाने एनडीटीव्हीशी बोलताना केला.