BharatPe मध्ये अशनीर ग्रोवरचा पगार किती होता? त्याच्या पत्नीलाही होतं मोठ पॅकेज | BharatPe filings reveal salaries of Ashneer his wife madhuri ceo Suhail and Rajnish

दोगलापनचा लेखक अशनीर ग्रोवर हा BharatPe मध्ये असताना किती पगार घ्यायचा याची माहिती उघड झाली आहे.

अशनीर ग्रोवर आणि त्याची पत्नी माधुरी जैन ग्रोवर (फोटो अशनीर ग्रोवर इंस्टाग्राम)

शार्क टँक इंडियाच्या पहिल्या सीझनमधून नवउद्योजक अशनीर ग्रोवर (Ashneer Grover) घराघरात परिचित झाला. दुसऱ्या सीझनमध्ये अशनीर ग्रोवरची कमतरता अनेकांना भासत आहे. तसेच Doglapan या पुस्तकामुळे अशनीर लोकप्रिय झाला. Doglapan या शब्दावरुन त्याचे अनेक मीम्सही अधून मधून व्हायरल होत असतात. इतरांना भांडवल उपलब्ध करुन देणाऱ्या अशनीरचा पगार किती होता माहितीये का? नुकत्याच भारत पे (BharatPe) या कंपनीच्या रेग्युलेटरी फायलिंगच्या माध्यमातून अशनीरच्या पगाराबाबत माहिती उघड झाली आहे. मनीकंट्रोल या संकेतस्थळाने याबाबत वृत्त दिले आहे. BharatPe चा सहसंस्थापक असलेल्या अशनीर ग्रोवरला २०२२ साली पगाराच्या स्वरुपात १.६९ कोटी देण्यात आले आहेत. त्याची पत्नी आणि या कंपनीची माजी कर्मचारी माधुरी जैन ग्रोवरलाही गल्लेलठ्ठ पगार होता. माधुरी यांना पगाराच्या स्वरुपात ६३ लाख रुपये देण्यात आले आहेत.

अशीनर पेक्षाही सीईओंना जास्त पगार

BharatPe कंपनीने सांगितले की, माजी सीईओ सुहैल समीर यांना आर्थिक वर्ष २०२२ साठी २.१ कोटींचा पगार दिलेला आहे. कंपनीचे चेअरमन आणि एसबीआयचे माजी अध्यक्ष रजनीश कुमार यांना पगाराच्या स्वरुपात २१.४ लाख रुपये देण्यात आले आहेत. सीईओ सुहैल समीर यांनी याच वर्षी जानेवारीच्या सुरुवातीला आपल्या पदाचा राजीनामा दिला होता. यावेळी कंपनीचे इतर अधिकारी, संचालक, सहसंस्थापक यांना २९.८ लाखांचे वितरण मानधनाच्या स्वरुपात झालेले आहे. तर BharatPeचे बोर्ड सदस्य केवल हांडा यांना ३६ लाख रुपये पगार देण्यात आला आहे.

शेअरमधून होणारा नफा वेगळा

कंपनीचे सहसंस्थापक, वरिष्ठ अधिकारी यांना लाखो रुपये पगार मिळत आहेच. शिवाय कंपनीच्या शेअरपासून मिळणारा नफा वेगळाच आहे. त्याची गणती पगारात केलेली नाही. कंपनीने वर्ष २०२२ मध्ये समभाग धारकांना ७० कोटी रुपये दिले आहेत. जे मागच्या वर्षीच्या तुलनेत २१८ टक्के अधिक आहेत.

अशनीर ग्रोवर आणि BharatPe मध्ये वाद

अशनीर ग्रोवर यांनी जानेवारी महिन्याच्या सुरुवातील BharatPe वर गंभीर आरोप केले होते. कंपनीच्या वरिष्ठ अधिकाऱ्यांना कामाच्या बदल्यात दिल्या जाणाऱ्या ३१५ कोटींच्या शेअर्सच्या (ESOPs) विरोधात ग्रोवर यांनी आवाज उचलला होता. त्यांनी सर्वच बोर्डाच्या सदस्यांना पत्र लिहून हे शेअर्स चार लोकांना दिल्याचे नमूद केले होते. यापैकी BharatPe चे अध्यक्ष रजनीश कुमार, संस्थापक शाश्वत नकरानी आणि माजी सीईओ सुहैल समीर आणि वकील सुमीत सिंह यांच्याकडे हे कोट्यवधीचे शेअर्स गेल्याचा आरोप त्यांनी पत्राच्या माध्यमातून केला होता.

This quiz is AI-generated and for edutainment purposes only.

‘BharatPe’ ने अशनीर ग्रोवर कडून मागितले ८८ कोटी

‘BharatPe’ च्या वर्ष २०२२ च्या आर्थिक विवरण पत्रावर लेखापरीक्षकाने प्रतिक्रिया देताना चिंता व्यक्त केली. आंतरराष्ट्रीय बाजारावरील नियंत्रणावरुन त्यांनी नाराजी व्यक्त केली. चुकीचे बिले सादर केल्यामुळे करनिर्धारण अधिकाऱ्यांनी कंपनीला दंडही ठोठावला आहे. मागच्या वर्षी अशाच प्रकारच्या एका खटल्यात कंपनीने अशनीर ग्रोवर आणि त्यांच्या कुटुंबाला दोषी धरत त्यांच्याकडून ८८ कोटींची नुकसान भरपाई मागितली होती. वर्ष २०२२ मध्ये कंपनीचा ऑपरेशन विभागाचा महसूल हा २८२ कोटींवरुन वाढत ४५७ कोटींवर पोहोचला होता. तसेच तोट्यात देखील ३.५ टक्क्यांची वाढ झाली. तर पगार देण्यासाठीची तरतूद ११६ टक्क्यांनी वाढून ११० कोटींवर पोहोचली आहे.

First published on: 28-01-2023 at 12:36 IST

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bharatpe filings reveal salaries of ashneer grover his wife madhuri ceo suhail and rajnish kvg

अशनीर ग्रोवर आणि त्याच्या पत्नीचा पगार माहितीये किती होता? Shark Tank India व Doglapan पुस्तकामुळे झाला प्रसिद्ध

दोगलापनचा लेखक अशनीर ग्रोवर हा BharatPe मध्ये असताना किती पगार घ्यायचा याची माहिती उघड झाली आहे.

अशीनर पेक्षाही सीईओंना जास्त पगार

शेअरमधून होणारा नफा वेगळा

अशनीर ग्रोवर आणि BharatPe मध्ये वाद

‘BharatPe’ ने अशनीर ग्रोवर कडून मागितले ८८ कोटी