पर्सनल इन्स्टाग्राम अकाउंटचे रुपांतर प्रोफेशनल अकाउंटमध्ये करण्यासाठी फॉलो करा ‘या’ ४ सोप्या स्टेप्स

करोना काळात लोक मनोरंजनासाठी इन्स्टाग्रामचा वापर करु लागले. दरम्यानच्या काळात कन्टेंट क्रिएटर्स इन्स्टाग्रामवर व्हिडीओ, फोटो असा त्यांचा कन्टेंट पोस्ट करु लागले. छोट्या व्यापाऱ्यांपासून ते मोठमोठ्या कंपन्या या माध्यमाद्वारे आपले प्रोडक्ट लोकांपर्यंत पोहचवण्याचा प्रयत्न करत आहेत. इन्स्टाग्रामवर जास्तीत जास्त लोकांपर्यंत पोहचायचे असल्यास तुमचे अकाउंट प्रोफेशनल असणे आवश्यक आहे. प्रोफेशनल इन्स्टाग्राम अकाउंटचे असंख्य फायदे आहेत. यामुळे इनसाइड्स, बूस्टिंग यांसारख्या सुविधांचा वापर करता येतो.

इन्स्टाग्राम अकाउंट स्विच करुन प्रोफेशनल अकाउंट बनवण्यासाठी फॉलो करा पुढील स्टेप्स –

• स्मार्टफोनवरील इन्स्टाग्राम अ‍ॅप सुरु करा. उजव्या बाजूच्या खालच्या कोपऱ्यात प्रोफाइल फोटो दिसेल. त्यावर क्लिक करा.
• पुढे तुम्हाला वरच्या दिशेला तीन आडव्या पट्ट्या दिसतील. त्यावर क्लिक करुन Settings & privacy ऑप्शन निवडा.
• त्यामध्ये तुम्हाला Account type and tools असे लिहिलेले दिसेल. त्या ऑप्शनवर क्लिक करा.
• पुढे Switch to professional account या ऑप्शनवर क्लिक करा.

आणखी वाचा – Instagram च्या पर्सनल आणि प्रोफेशनल अकाउंट्समध्ये काय फरक असतो? जाणून घ्या…

वरील स्टेप्स फॉलो करुन तुमचं इन्स्टाग्राम अकाउंट प्रोफेशनल मोडमध्ये स्विच होईल. इन्स्टाग्राममध्ये पर्सनल, प्रोफेशनल आणि क्रिएटर असे अकाउंट्सचे तीन प्रकार असतात. आपल्याकडे यातील पर्सनल, प्रोफेशनल इन्स्टाग्राम अकाउंट्स पाहायला मिळतात.