पीएम मोदींनी जो बायडेन यांच्या पत्नीला दिलेला ‘तो’ हिरा किती मौल्यवान आहे? जाणून घ्या ‘त्या’ हिऱ्याबद्दल काही खास गोष्टी

भारताने दिलेला हा हिरवा हिरा मौल्यवान आहे. पण, हा हिरा इतका खास का आहे आणि तो सामान्य हिऱ्यापेक्षा किती वेगळा आहे हे जाणून घेऊ …

पंतप्रधान मोदींनी कोणता हिरा दिला भेट?

पंतप्रधान मोदींनी अमेरिकेच्या फर्स्ट लेडी जिल बायडेन यांना ७.५ कॅरेटचा हिरा भेट दिला आहे. प्रगत तंत्रज्ञानाने बनवलेला हा खास हिरा प्रतिकॅरेट फक्त ०.०२८ ग्रॅम कार्बन उत्सर्जित करतो. हा हिरा पृथ्वीवरून निघणाऱ्या रासायनिक आणि ऑप्टिकल घटकांचे गुण दर्शवतो; जो पर्यावरणास अनुकूलही आहे. कारण- या हिऱ्याच्या निर्मितीसाठी सौर व पवनऊर्जा यांसारख्या संसाधनांचा वापर करण्यात आला आहे.

विश्लेषण: प्रयोगशाळेत कृत्रीम हिरे कसे बनवले जातात? अर्थमंत्री निर्मला सीतारमण यांनी यासाठी अनुदान का दिले?

हिरवा हिरा नेमका आहे कसा?

हिरवा हिरा हा सामान्य हिऱ्यापेक्षा कसा वेगळा आहे हे जाणून घेऊ. हा एक अत्यंत दुर्मिळ हिरा असून तो रेडिओॲक्टिव्ह आहे. ॲटोमिक रेडिएशनच्या जास्त संपर्कात आल्यानंतर तो तयार होतो आणि अनेक वर्षे त्याचा प्रतिकार करतो. जरी तो रेडिओॲक्टिव्हच्या प्रभावाखाली राहत असला तरीही तो खऱ्या हिऱ्यासारखा अत्यंत दुर्मिळ आहे. हिरव्या हिऱ्यामध्ये अनेक प्रकारचे हिरे येतात, जसे की, लाइट ग्रीन, फॅन्सी ग्रीन, फॅन्सी डिप इ. हा हिरवा हिरा इतर रंगीत हिऱ्यांपेक्षा महाग आहे.