‘हा’ आहे जगातील सर्वात लांबचा विमान प्रवास, भारतातील या ठिकाणाच्या नावाचाही समावेश

सिंगापूरवरून न्यूयॉर्कचं उड्डाण

जगातील सर्वात लांबच्या विमान प्रवासात सिंगापूर ते न्यूयॉर्क प्रवासाचा समावेळ आहे. सिंगापूर एअरलाईन्सचे विमान SQ24 प्रवाशांना सिंगापूरवरून न्यूयॉर्कच्या जॉन एफ कॅनेडी इंटरनॅशनल एअरपोर्टपर्यंत घेऊन जातं. हा प्रवास आतापर्यंतचा सर्वात लांब आणि जास्त वेळ घेणारा प्रवाशांपैकी एक आहे. हे विमान १५,००० किमीपर्यंतचा प्रवास करतं. हा प्रवास पूर्ण करण्यासाठी जवळपास १७ तास ४० मिनिटांहून अधिक कालावधी लागतो.

सिंगापूर ते नेवार्की प्रवास

दुसरा सर्वात लांबचा प्रवास सिंगापूरचाच आहे. सिंगापूर एअरलाईन्सद्वारे ऑपरेट केलेली ही यात्रा जवळपास १७ तास २५ मिनिटे इतकी असते. हे विमान सिंगापूरवरून न्यू जर्सी, अमेरिकेच्या नेवार्कपर्यंत असते. सिंगापूर एअरलाईन्सकडून संचालित एअरबस A350-900s दुसरा सर्वात लांबचा प्रवास पूर्ण करते.

नक्की वाचा – चित्रपटात दाखवण्यात येणारे बोल्ड सीन्स खरे की खोटे? किसिंग सीन्सच्या ट्रिक्स वाचून तुम्हीही व्हाल थक्क

डार्विनवरून लंडनपर्यंतचा प्रवास

डार्विनवरून लंडनपर्यंतचा प्रवास जगातील सर्वात लांबच्या प्रवाशांपैकी एक आहे. ऑस्ट्रेलियाच्या डार्विनवरून ब्रिटेनच्या लंडनपर्यंतचा हा प्रवास बोईंग 787 ड्रीमलायनर्ससोबत पूर्ण होतो. प्रवास १६ ते १७ तासांत पूर्ण होतो. हा संपूर्ण प्रवास जवळपास १४,००० किमीपर्यंतचा असतो. खरंतर हा प्रवास मूळत: पर्थ आणि लंडनच्या मध्ये संचालित केला होता. पण कोविडच्या कारणामुळं डार्विनमध्ये स्थानांतरित केलं होतं. आता पुन्हा एकदा जुन्या मार्गाने हा प्रवास केला जाण्याची शक्यता आहे.

सॅन फ्रांसिस्कोवरून बंगळुरुचा प्रवास

भारतातून अमेरिकेत जाणाऱ्या प्रवाशांची संख्या अधिक आहे. नोकरी आणि शिक्षणसाठी काही लोकं भारतातून अमेरिकेला जातात. पण हा प्रवास भारत ते अमेरिका नाहीय. तर अमेरिका आणि भारताच्या मधील आहे. युनायटेड एअरलाइंस तुम्हाला अमेरिकेच्या सॅन फ्रांसिस्कोवरून भारतातील बंगळुरुपर्यंत घेऊन जाते. या प्रवासाठी जवळपास १७ तास २५ मिनिटांचा अवधी लागतो.