लोकसभा निवडणुकीसाठी भारतीय जनता पक्षाने आपला जाहीरनामा प्रसिद्ध केला आहे. भाजपाने जाहीरनाम्यातून पुन्हा एकदा राम मंदिर उभारण्याचं आश्वासन दिलं आहे. राम मंदिर उभारण्यासाठी सर्व शक्यता तपासल्या जाणार असल्याचं भाजपाकडून सांगण्यात आलं आहे. केंद्रीय गृहमंत्री राजनाथ सिंह यांच्या अध्यक्षतेखाली जाहीरनामा तयार कऱण्यात आला. जाहीरनामा प्रसिद्ध झाल्यानंतर राजनाथ सिंह यांनी बोलताना राम मंदिराचा उल्लेख केला. याशिवाय कलम ३५ अ रद्द करण्यासाठी सरकार कटिबद्द असेल असंही त्यांनी सांगितलं. यावेळी भाजपाध्यक्ष अमित शाह, केंद्रीय अर्थमंत्री अरुण जेटली, केंद्रीय परराष्ट्रमंत्री सुषमा स्वराजदेखील उपस्थित होत्या.