scorecardresearch

Premium

भाजपाचा हिंदुत्वाचा प्रयोग यशस्वी! दंगलीत मुलगा गमावलेल्या शेतकऱ्याचा विजय; काँग्रेसच्या मंत्र्याला केलं पराभूत

साजा या ठिकाणाहून ईश्वर साहू भाजपाच्या तिकिटावर निवडणूक लढले आणि जिंकले

Eshwar Sahudefeated 7 time INC MLA Sri Ravindra Choubey .
ईश्वर साहू यांनी रवींद्र चौबेंचा केला पराभव. भाजपाची खेळी यशस्वी फोटो-ANI

आज दिवसभरातला चर्चेचा विषय ठरला आहे तो म्हणजे चार राज्यांमधले निवडणूक निकाल. राजस्थान, मध्यप्रदेश आणि छत्तीसगड या तीन राज्यांमध्ये भाजपाने बाजी मारली आहे. तेलंगणात केसीआर यांची सत्ता गेली आहे आणि ते राज्य काँग्रेसने जिंकलं आहे. या संदर्भात विविध प्रतिक्रिया समोर येत आहेत. अशात छत्तीसगडच्या एका जागेची चर्चाही रंगली आहे. साजा या विधानसभा मतदारसंघातून ईश्वर साहू हे विजयी झाले आहेत. आत्तापर्यंत सातवेळा आमदार झालेल्या रवींद्र चौबे या काँग्रेस उमेदवाराचा त्यांनी पराभव केला आहे. इश्वर साहू यांचा मुलगा दंगलीत मारला गेला होता. ज्यानंतर भाजपाने ईश्वर साहू यांना तिकिट दिलं. भाजपाचा हिंदुत्वाचा हा प्रयोग यशस्वी झाल्याची चर्चा रंगली आहे.

ईश्वर साहू यांना कशी मिळाली उमेदवारी?

भाजपाने छत्तीसगड विधानसभा निवडणुकीसाठी जी उमेदवारांची दुसरी यादी जाहीर केली त्यात ईश्वर साहू या शेतकरी उमेदवाराचं नाव सगळ्यांनाच चकीत करणारं होतं. ईश्वर साहू यांचा मुलगा भुवनेश्वर साहू हा बेमतेरातल्या बिरनपूर या ठिकाणी झालेल्या दंगलीत मारला गेला होता. त्यानंतर छत्तीसगडच्या निवडणुकीत ईश्वर साहू यांना तिकिट देऊन भाजपाने मोठा डाव खेळला होता, जो यशस्वी झाला आहे.

Congress Aggressive Against Agnipath scheme  Promise to cancel if come to power
‘अग्निपथ’विरोधात काँग्रेस आक्रमक; सत्तेवर आल्यास रद्द करण्याचे आश्वासन, खरगे यांचे राष्ट्रपतींना पत्र
maval lok sabha seat
पिंपरी : मावळच्या जागेवरून महायुतीत पेच? राष्ट्रवादीच्या आमदारांनंतर आता ‘या’ बड्या नेत्याचाही मावळवर दावा
Former Maharashtra CM Ashok Chavan
भाजपमध्ये जाण्याचे स्पष्ट संकेत, तरीही मौन! दोन दिवसांत भूमिका स्पष्ट अशोक चव्हाण
तृणमूल काँग्रेसच्या प्रमुख नेत्याला अटक; ममता बॅनर्जींच्या पक्षाचे अटकेला समर्थन, यामागे नेमकं कारण काय?

केंद्रीय निवडणूक समितीची जी बैठक झाली त्यात भुवनेश्वर साहूचे वडील ईश्वर साहू यांना उमेदवारी देण्याचा निर्णय घेण्यात आला. तिकिट मिळाल्यानंतर ईश्वर साहू म्हणाले होते की आज मी इतका दुःखात असताना, माझा मुलगा मारला गेल्याचं दुःख सहन करत असताना भाजपाने मला साथ दिली आहे. मला भाजपाने साजा या मतदार संघातून तिकिट दिलं आहे. असं म्हटलं होतं.

भुवनेश्वर साहूची हत्या कशी झाली?

६ एप्रिल २०२३ या दिवशी बेमेतरा जिल्ह्यातल्या बिरनपूर गावात दोन गट भिडले होते. या घटनेत भुवनेश्वर साहूची हत्या झाली. ज्यानंतर दंगल भडकली होती. ही दंगल आटोक्यात आणण्यासाठी गावात कलम १४४ ही लागू करावं लागलं होतं. त्यानंतर गावात अनेक दिवस हिंसाचार धुमसत होता. यानंतर छत्तीसगडची निवडणूक लागली तेव्हा ईश्वर साहू यांना तिकिट देण्यात आलं.

सातवेळा आमदार झालेल्या रवींद्र चौबेंचा पराभव

साजा विधानसभा मतदारसंघातून काँग्रेसने सात वेळा आमदार झालेलेल्या रवींद्र चौबेंना उमेदवारी दिली होती. भुपेश बघेल यांच्या मंत्रिमंडळात ते मंत्रीही होते. आता ईश्वर साहूंनी त्यांना हरवलं आहे. त्यामुळे छत्तीसगडच्या या जागेची चर्चा चांगलीच होते आहे.

साजा मतदारसंघात ईश्वर साहू यांना ९८ हजार ७५१ मतं पडली आहेत. तर त्यांचे प्रतिस्पर्धी असलेल्या रवींद्र चौबेंना ९२ हजार ९८६ मतं पडली आहेत. ईश्वर साहू यांनी ५ हजार ७६५ मतांनी रवींद्र चौबे यांचा पराभव केला आहे.

Latest Comment
View All Comments
Post Comment

मराठीतील सर्व निवडणूक २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bjp candidate eshwar sahu defeated 7 time congress mla sri ravindra choubey sahu son was killed in a mob violence scj

First published on: 03-12-2023 at 20:57 IST

संबंधित बातम्या

तुम्ही या बातम्या वाचल्या आहेत का? ×