Devendra Fadnavis One Word Post After Maharashtra Assembly Election Dates Announced

दिवाळी हे प्रकाशपर्व आहे, त्यानंतर विकासाचं प्रकाशपर्व साजरं करुया असंही आवाहन देवेंद्र फडणवीस यांनी केलं आहे.

Devendra Fadnavis One Word Post After Election Dates Declared in Maharashtra

निवडणूक जाहीर होताच देवेंद्र फडणवीस यांची एका शब्दात प्रतिक्रिया (फोटो-देवेंद्र फडणवीस-एक्स पोस्ट)

Devendra Fadnavis महाराष्ट्र विधानसभा निवडणूक जाहीर झाली आहे. इतक्या दिवसांपासून महाराष्ट्राची निवडणूक कधी जाहीर होणार? ही तारीख गुलदस्त्यात होती. आज निवडणूक आयोगाचे मुख्य निवडणूक आयुक्त राजीव कुमार यांनी पत्रकार परिषद घेत निवडणुकीची तारीख जाहीर केली आहे. यानंतर देवेंद्र फडणवीस ( Devendra Fadnavis ) यांनी एका शब्दात प्रतिक्रिया दिली आहे.

महाराष्ट्रात कधी होणार निवडणूक?

महाराष्ट्रात एका टप्प्यात निवडणूक घेतली जाणार आहे. २० नोव्हेंबरला एका टप्प्यात निवडणूक घेतली जाणार आहेत. तर २३ नोव्हेंबरला महाराष्ट्र विधानसभा निवडणुकीचा निकाल लागणार आहे. मुख्य निवडणूक आयुक्त राजीव कुमार यांनी ही माहिती दिली आहे. गॅझेट नोटिफिकेशनची तारीख २२ ऑक्टोबर असेल तर २९ ऑक्टोबरला उमेदवारी अर्ज भरण्याची शेवटची तारीख असेल. ३० ऑक्टोबरला अर्जांची छाननी केली जाणार आहे. तर अर्ज मागे घेण्याची तारीख ४ नोव्हेंबर २०२४ अशी असणार आहे. २० नोव्हेंबरला महाराष्ट्राची निवडणूक एका टप्प्यात होईल. तर २३ नोव्हेंबरला महाराष्ट्र विधानसभा निवडणुकीचा निकाल लागेल.

महाराष्ट्राची निवडणूक जाहीर होताच देवेंद्र फडणवीस यांची पोस्ट काय?

शंखनाद! या एका शब्दांत देवेंद्र फडणवीस ( Devendra Fadnavis ) यांनी पोस्ट केली आहे. या पोस्टसह देवेंद्र फडणवीस यांचा एक व्हिडीओही पोस्ट करण्यात आला आहे. जिस गतीसे है चला तू उस गती को पायेगा.. या गाण्यावरचा एक व्हिडीओ पोस्ट करण्यात आला आहे. त्यात देवेंद्र फडणवीस ( Devendra Fadnavis ) यांचे आक्रमक अंदाज दिसत आहेत. लोकसभा निवडणुकीत महायुतीला अवघ्या १७ जागा मिळाल्या. ते अपयश धुवून काढण्यासाठी देवेंद्र फडणवीस ( Devendra Fadnavis ) तयार आहेत असंच ते या पोस्टमधून सांगत आहेत असंच दिसून येतं आहे.

हे पण वाचा- Maharashtra elections 2024 : अमरावती : विधानसभा निवडणूक! भाजपची पाच जागांवर अडचण…

शंखनाद ?#Maharashtra #AssemblyElections2024 #Elections2024 #MaharashtraElection2024 pic.twitter.com/LdLPIlU5J9
— Devendra Fadnavis (@Dev_Fadnavis) October 15, 2024

देवेंद्र फडणवीस यांची दुसरी पोस्ट काय?

लोकशाहीतील सर्वोच्च महोत्सवाची आज घोषणा झाली. दिवाळीत प्रकाश पर्व असेल ! आणि पाठोपाठ दुसरे विकासाचे प्रकाशपर्व आपण २० नोव्हेंबरला एकत्र साजरे करू! भाजपाच्या नेतृत्वात आपण २०१४, २०१९ ला भरभरून यश दिले, संपूर्ण बहुमत दिले. चला पुन्हा सारे मिळून सोबत येऊ या आणि २३ नोव्हेंबरला महायुतीच्या विजयाचा जल्लोष करू या! या लोकउत्सवात आपणही सारे मोठ्या संख्येने सहभागी व्हा! विकासासाठी महाराष्ट्र तुमच्या आशिर्वादाची आणि भक्कम जनादेशाची वाट बघतोय. अशी पोस्टही देवेंद्र फडणवीस ( Devendra Fadnavis ) यांनी केली आहे.

महाराष्ट्र विधानसभा निवडणुकीची तारीख आणि निकाल या दोन्हीची तारीख जाहीर झाली आहे. मुख्य निवडणूक आयुक्त राजीव कुमार यांनी आज ही घोषणा केली. गेल्या काही दिवसांपासून महाराष्ट्रात निवडणूक कधी जाहीर होणार? याच्या चर्चा रंगल्या होत्या. काही दिवसांपूर्वी राजीव कुमार यांनी पत्रकार परिषद घेतल २६ नोव्हेंबरच्या आधी निवडणूक घेतली जाईल असं म्हटलं होतं. आज अखेर या निवडणुकीची आणि निकालाच्या दिवसाची घोषणा झाली आहे. २० नोव्हेंबरला महाराष्ट्र विधानसभेची निवडणूक एका टप्प्यात घेतली जाईल तर २३ नोव्हेंबरला निकाल लागणार आहे. एकीकडे महाविकास आघाडीने १७० ते १८० जागा मिळतील असा दावा केला आहे. तर महायुतीने आमचंच सरकार येईल असं म्हटलं आहे. या सगळ्यामध्ये नेमकं काय घडणार ते आता २३ नोव्हेंबरला स्पष्ट होणार आहे.

TOPICSदेवेंद्र फडणवीस Devendra Fadnavis निवडणूक २०२४ Election

मराठीतील सर्व निवडणूक २०२५ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Devendra fadnavis one word post after maharashtra assembly election dates announced scj

Devendra Fadnavis : महाराष्ट्र विधानसभा निवडणुकीची तारीख जाहीर, देवेंद्र फडणवीस यांची एका शब्दातली पोस्ट चर्चेत!

दिवाळी हे प्रकाशपर्व आहे, त्यानंतर विकासाचं प्रकाशपर्व साजरं करुया असंही आवाहन देवेंद्र फडणवीस यांनी केलं आहे.

महाराष्ट्रात कधी होणार निवडणूक?

महाराष्ट्राची निवडणूक जाहीर होताच देवेंद्र फडणवीस यांची पोस्ट काय?

देवेंद्र फडणवीस यांची दुसरी पोस्ट काय?