“मला सुनेत्रा पवारांची दया येते, त्यांच्या पतीराजाने…”, संजय राऊतांची बोचरी टीका; म्हणाले, “एका गृहिणीला…”

बारामती लोकसभा मतदारसंघावर पवार कुटुंबियांचं वर्चस्व आहे. २००९ पासून सुप्रिया सुळे बारामतीच्या खासदार आहेत. तर, त्याआधी ही जागा शरद पवारांकडे होती. परंतु, राष्ट्रवादी काँग्रेसमध्ये फूट पडल्यानंतर पवार कुटुंबियातही राजकीय मतभेद निर्माण झाले. सुप्रिया सुळेंविरोधात तगडा उमेदवार देण्याकरता अजित पवारांनी सुनेत्रा पवारांनाच निवडणुकीच्या रिंगणात उतरवलं. यावरून संजय राऊतांनी टीका केली. आज त्यांनी माध्यमांशी संवाद साधला.

आणखी वाचा

Aheri Assembly Constituency : अहेरी विधानसभा मतदारसंघ : राष्ट्रवादी काँग्रेस (शरद पवार) धर्मरावबाबा आत्रामांना शह देण्यात यशस्वी ठरणार?

Haryana Exit Polls: ‘एग्झिट’ पोलमधून विनेश फोगटच्या राजकीय…

Haryana Exit Polls Results 2024 : हरियाणात भाजपाची पीछेहाट, एक्झिट पोलचा कौल काँग्रेसच्या पारड्यात; जाणून घ्या ५ महत्त्वाची कारणं!

Haryana Exit Polls Results 2024 : हरियाणात भाजपाची हॅटट्रिक चुकणार; १० वर्षांनी काँग्रेस सत्तेत येण्याची शक्यता

Jammu-Kashmir Assembly Election 2024 Exit Poll : अनुच्छेद ३७० हटविल्यानंतर जम्मू-काश्मीरमधील जनतेचा कौल कुणाला? एक्झिट पोलचे आकडे आले समोर

Haryana And Jammu-Kashmir Election Exit Poll 2024 : जम्मू-काश्मीरमध्येही भाजपाला धक्का, एक्झिट पोलनुसार किती जागा मिळणार?

Haryana Assembly Election 2024 Updates: काँग्रेसने मतदान केंद्र ताब्यात घेतल्याचा भाजपाचा आरोप, विनेश फोगट म्हणाल्या….

Pankaja Munde : “हर्षवर्धन पाटील यांनी भाजपा पक्ष सोडायला नको होता, पण…”; पंकजा मुंडे काय म्हणाल्या?

Ankita Patil : हर्षवर्धन पाटील यांच्याआधी अंकिता पाटील यांचा भाजपाला राम राम, म्हणाल्या, “मी…”

सुनेत्रा पवारांना बळीचा बकरा बनवलंय

“बारामतीमध्ये विक्रमी मताधिक्क्याने सुप्रिया सुळे विजयी होतील. मला सुनेत्रा पवारांची दया येतेय. त्यांच्याविषयी वाईट वाटतंय. त्यांच्या पतीराजाने त्यांना म्हणजेच एका गृहिणीला बळीचा बकरा बनवला. भारतीय जनता पक्ष संपूर्ण देशात दारुण पराभवाच्या छायेत आहे. महाराष्ट्रातील भाजपाचे अनेक विद्यमान खासदार हे यावेळेला लोकसभेत दिसणार नाहीत”, असं संजय राऊत म्हणाले.

हेही वाचा >> Lok Sabha Election 2024 Phase 3 Live : अजित पवारांनी काटेवाडीत, प्रणिती शिंदेंनी सोलापुरात मतदानाचा हक्क बजावला

नारायण राणेंच्याबाबतीत पराभवाचा चौकार मारला जाईल

दरम्यान, यंदा नारायण राणेही लोकसभेच्या रिंगणात उतरले आहेत. नारायण राणे केंद्रात मंत्री असले तरीही ते पहिल्यांदाच लोकसभेची निवडणूक लढवत आहेत. कोकणात शिवसेनेचं वर्चस्व असलं तरीही राणेंचाही तिथे चांगला जनसंपर्क आहे. त्यामुळे विद्यमान खासदार विरुद्ध केंद्रीय मंत्री अशी लढत येथे पाहायला मिळत आहे. यावरून संजय राऊत म्हणाले, “नारायण राणे यांच्याबाबतीत पराभवाचा चौकार मारला जाईल. तीन वेळा आम्ही त्यांचा पराभव केला आहे. कोकणातही केला आणि मुंबईतही केला. आता ते मोठ्या स्पर्धेत उतरलेत. पण विनायक राऊत पुन्हा एकदा लोकसभेत जातील. नरेंद्र मोदी येऊद्या किंवा अमित शहा येऊद्या महाराष्ट्रातील जनता हे आता सहन करणार नाही.”

हेही वाचा >> अजित पवारांचा मास्टरस्ट्रोक! आईबरोबर येत केलं मतदान, म्हणाले, “आमच्या घरात सर्वात ज्येष्ठ..”

नरेंद्र मोदी आणि अमित शाहांनी मुंबईत भाड्याने घर घेतलंय

दरम्यान, पाचव्या टप्प्यात म्हणजेच २० मे रोजी मुंबईत मतदान पार पडणार आहे. या पाचव्या टप्प्यातील मतदानासाठी नरेंद्र मोदी मुंबई दौऱ्यावर येणार आहेत. मोदींच्या मुंबई दौऱ्याबाबत संजय राऊत म्हणाले, नरेंद्र मोदींनी पेडर रोडला घर भाड्यावर घेतलंय. अमित शाहांनी बोरीवलीत भाड्याने घर घेतलंय. त्यांना इथंच राहायचंय. मणिपूर आणि काश्मीर खोऱ्यात जायला त्यांच्याकडे वेळ नाही.त्यामुळे निवडणूक होईपर्यंत ते इथंच राहणार आहेत. पण तुम्ही कितीही खुंट्या ठोका, महाराष्ट्रात शिवसेनेचा पराभव करता येणार नाही”, असं संजय राऊत म्हणाले.