तुमच्या हाताने बनवा लाडक्या बाप्पाची मूर्ती; अशी करा तयारी आणि साजरा करा इको फ्रेंडली गणेशोत्सव

गणपती बनवण्यासाठी लागणारे साहित्य…

शुद्ध मातीचे पाणी
खोबरेल तेल किंवा तूप
टूथपिक किंवा पेन
सजावटीसाठी फुले, हळद आणि कुंकू

अशा प्रकारे तयार करा तुमचा लाडका गणपती बाप्पा…

१. गणपती बाप्पाची मुर्ती घरी तयार करण्यासाठी सर्वात आधी माती घेऊन त्यात थोडं थोडं पाणी टाका आणि छान मळून घ्या. माती अगदी मऊसर, गुळगुळीत झाल्यानंतर त्या मातीचा एक छोटा गोळा करून प्लेटमध्ये ठेवा. हाच तुमच्या मूर्तीचा पाया असणार आहे.

२. यानंतर दुसरा थोडा मोठा गोळा करून तुम्ही तयार केलेल्या मूर्तीच्या पायावर ठेवा. म्हणजे बाप्पाचे पोट तयार होईल. मग वरती थोडा लहान गोळा ठेवून डोके तयार करायचं. आता सोंड बनवण्यासाठी मातीचा लांब रोल तयार करा आणि चेहऱ्याला लावा. अशाप्रकारे मातीचे चार रोल हातासाठी आणि दोन पायासाठी तयार करुन जोडून घ्या.

३. आता गणपतीचे डोळे आणि दागिने तयार करायला घ्या. डोळे बनवण्यासाठी टूथपिक किंवा पेनची टोक वापरू शकता. दागिने न वापरता हळद, तांदूळ किंवा छोटे फुलं सुद्धा वापरू शकता. मूर्तीला उन्हात वाळल्यानंतर तिची सजावट फुलं, पानं, हळद-कुंकूने करा. अशा प्रकारे घरच्या घरी छानशी गणपती बाप्पाची मूर्ती तयार होईल.