06 April 2020

News Flash

IPL 2018 – न्यूझीलंडच्या इश सोधीला लॉटरी, झहीर खानऐवजी राजस्थान रॉयल्समध्ये लागली वर्णी

दुखापतीमुळे अफगाणिस्तानचा झहीर खान स्पर्धेबाहेर

इश सोधी (संग्रहीत छायाचित्र)

राजस्थान रॉयल्सने आपल्या संघातील दुखापतग्रस्त फिरकी गोलंदाज झहीर खानऐवजी न्यूझीलंडच्या इश सोधीला संघात जागा दिली आहे. अफगाणिस्तानच्या तरुण फिरकीपटू झहीर खान दुखापतीमुळे उरलेला हंगाम खेळू शकणार नाहीये. त्यामुळे राजस्थान प्रशासनाने न्यूझीलंडच्या इश सोधीला आपली पसंती दर्शवली आहे.

अकराव्या हंगामात आयपीएलच्या लिलावात इश सोधीवर बोली लावण्यात आलेली नव्हती. मात्र आंतरराष्ट्रीय पातळीवर इश सोधीकडे गोलंदाजीचा मोठा अनुभव आहे. याचसोबत शेवटच्या फळीत इश सोधी चांगल्या धावा काढतो, या कारणांसाठी राजस्थान प्रशासनाने इश सोधीला संघात समाविष्ट करुन घेण्याचा निर्णय घेतला आहे.

पुढच्या काही दिवसांमध्येच इश सोधी राजस्थान रॉयल्स संघात दाखल होणार आहे. त्यामुळे डर्सी शॉर्ट, बेन स्टोक्स, जोस बटलर, जोफ्रा आर्चर यांसारख्या खेळाडूंसोबत इश सोधीला संघात जागा मिळते का हे पाहणं महत्वाचं ठरणार आहे. आपल्या पहिल्या सामन्यात राजस्थानला पराभवाचा सामना करावा लागला होता, त्यामुळे उर्वरित सामन्यांमध्ये राजस्थान कशी कामगिरी करतंय याकडे सर्व क्रीडा रसिकांचं लक्ष असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 11, 2018 9:31 am

Web Title: ipl 2018 rajasthan royals announce ish sodhi as replacement for zahir khan
टॅग IPL 2018,Rr
Next Stories
1 IPL 2018 : स्टेडियमबाहेर सिक्स मारल्यास दोन धावा बोनस द्या : धोनी
2 IPL 2018 : घरच्या मैदानावर विजयासाठी राजस्थान उत्सुक
3 IPL 2018 : सामना सुरु असताना चेन्नई सुपरकिंग्जच्या खेळाडूंवर भिरकावण्यात आले बूट
Just Now!
X