News Flash

IPL 2020 : दिनेश कार्तिक शून्यावर माघारी, हैदराबादविरुद्ध नकोशा विक्रमाची नोंद

राशिद खानने केलं कार्तिकला बाद

Photo by: Pankaj Nangia / Sportzpics for BCCI

कोलकाता नाईट रायडर्सचा कर्णधार दिनेश कार्तिकच्या नावावर हैदराबादविरुद्धच्या सामन्यात एक नकोसा विक्रम नोंदवला गेला आहे. हैदराबादला १४२ धावांवर रोखल्यानंतर कोलकात्याची सुरुवात खराब झाली. सलामीवीर शुबमन गिल एकही धाव न घेता माघारी परतला. यानंतर नितीश राणाही २६ धावांची खेळी करत बाद झाला. यानंतर मैदानावर आलेला कोलकात्याचा कर्णधान दिनेश कार्तिकही एकही धाव न काढता माघारी परतला.

राशिद खानने दिनेश कार्तिकला पायचीत करत कोलकात्याला तिसरा धक्का दिला. हैदराबादविरुद्ध शून्यावर बाद होण्याची कार्तिकची ही चौथी वेळ होती. त्याने अजिंक्य रहाणेला मागे टाकत हा नकोसा विक्रम आपल्या नावे जमा केला.

कोलकात्याच्या बाकीच्या फलंदाजांनी निराशा केली असली तरीही युवा शुबमन गिलने फटकेबाजी करत संघाचा डाव सावरला. हैदराबादच्या गोलंदाजांनीही टिच्चून मारा करत कोलकात्याच्या फलंदाजांना सुरुवातीच्या षटकांत मोठे फटके खेळण्याची संधी दिली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 26, 2020 10:37 pm

Web Title: ipl 2020 kkr captain dinesh karthik creates unwanted record gets out on 0 vs srh psd 91
टॅग : IPL 2020
Next Stories
1 IPL 2020: मनीष पांडेचा धमाका; सेहवागच्या विक्रमाशी केली बरोबरी
2 IPL 2020 : ‘ते’ द्वंद्व खलिल अहमदने पुन्हा जिंकलं, सुनील नरिनला शून्यावर धाडलं माघारी
3 IPL 2020 : जितबो रे… कोलकाताची हैदराबादवर ७ गडी राखून मात
Just Now!
X