IPL 2020 : एक अर्धशतक आणि सॅमसनला थेट डिव्हीलियर्स-रसेलच्या पंगतीत स्थान - Marathi News | Ipl 2020 Sanju Samson Thrash 9 Sixes In An Inning Vs Csk Equals With Abd And Russell Psd 91

३२ चेंडूत सॅमसनच्या ७४ धावा

फोटो सौजन्य - Rahul Gulati / Sportzpics for BCCI

आयपीएलच्या तेराव्या हंगामात आपला पहिला सामना खेळणाऱ्या राजस्थान रॉयल्सचे पहिल्याच सामन्यात दणकेबाज खेळी करत चेन्नई सुपरकिंग्जला चांगलाच घाम फोडला. नाणेफेक जिंकून पहिल्यांदा गोलंदाजी करण्याचा धोनीचा निर्णय पुरता फसला. युवा यष्टीरक्षक संजू सॅमसनने स्टिव्ह स्मिथच्या साथीने शतकी भागीदारी करत चेन्नईच्या गोलंदाजांची पिसं काढली. संजू सॅमसनने ३२ चेंडूत १ चौकार आणि ९ षटकारांच्या सहाय्याने ७४ धावा केल्या.

या अर्धशतकी खेळीदरम्यान संजू सॅमसनने एबी डिव्हीलियर्स, आंद्रे रसेल, गिलख्रिस्ट, ब्रँडन मॅक्युलम यासारख्या दिग्गज फलंदाजांच्या पंगतीत स्थान मिळवलं. एका डावात ९ किंवा त्यापेक्षा जास्त षटकार मारण्याची संजू सॅमसनची ही दुसरी वेळ ठरली. आयपीएलमध्ये आतापर्यंत ख्रिस गेलने सर्वाधिक वेळा म्हणजेच ६ वेळा अशी कामगिरी केली आहे.

9 or 9+ 6s in an IPL Inning
Gayle – 6 times
Samson – 2 times*
ABD – 2 times
Russell – 2 times
Gilchrist – 2 times
McCullum – 2 times#RRvCSK
— CricBeat (@Cric_beat) September 22, 2020

राजस्थानचा कर्णधार स्टिव्ह स्मिथनेही संजूला चांगली साथ दिली. अखेरपर्यंत मैदानात तळ ठोकून स्मिथने ४७ चेंडूत ४ चौकार आणि ४ षटकारांसह ६९ धावा केल्या. अखेरच्या फळीत जोफ्रा आर्चरनेही ८ चेंडूत ४ षटकार खेचत नाबाद २७ धावांची खेळी करत संघाला २०० धावांचा टप्पा ओलांडून देण्यात मदत केली.

First published on: 22-09-2020 at 23:02 IST

TOPICSआयपीएल २०२० (IPL 2020)IPL 2020

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ipl 2020 sanju samson thrash 9 sixes in an inning vs csk equals with abd and russell psd