IPL 2020 : सलामीला आल्यास रोहित शर्मा हंगामात ५०० धावा काढू शकतो !

“यंदाच्या हंगामातही रोहित शर्मा हाच मुंबई इंडियन्ससाठी महत्वाचा खेळाडू ठरणार आहे. मला खात्री आहे रोहितने मुंबई इंडियन्ससाठी सलामीला येण्याचा निर्णय घेतला तर तो चांगली कामगिरी करेल. यंदाच्या हंगामात तो ५०० धावाही काढू शकतो, त्याने असं करुन दाखवलं तर संघासाठी ते नक्कीच फायदेशीर ठरेल. गेल्या हंगामात मुंबई इंडियन्सने विजेतेपद पटकावलं त्यावेळी संघातील ५ खेळाडूंनी ४०० पेक्षा अधिक धावा केल्या होत्या. यंदाही मुंबईला अशाच प्रकारची कामगिरी करावी लागणार आहे.” आकाश चोप्रा आपल्या यू-ट्युब चॅनलवर बोलत होता.

रोहित शर्माच्या नेतृत्वाखाली मुंबई इंडियन्सचा संघ यंदाच्या हंगामात आयपीएलचं पाचवं विजेतेपद मिळवण्याचा प्रयत्न करेल. रोहितच्या नेतृत्वात मुंबई इंडियन्सने याआधी ४ वेळा विजेतेपद पटकावलं आहे. २०१३, २०१५, २०१७ आणि २०१९ या चार हंगामात मुंबईने विजेतेपद मिळवलंय. अशी कामगिरी करणारा मुंबई इंडियन्स हा आयपीएलमधील एकमेव संघ आहे. त्यामुळे या हंगामात रोहित आणि त्याचे खेळाडू पुन्हा एकदा अशीच कामगिरी करुन दाखवतात का हे पाहणं महत्वाचं ठरणार आहे.

अवश्य वाचा – Video : ‘हिटमॅन’चा तडाखा, सरावादरम्यान मारलेला षटकार थेट मैदानाबाहेर