पालकमंत्री शिंदे गटाचे असताना शेतकरी संघाचे कुलूप तोडण्याचे धाडस केलेच कसे? हसन मुश्रीफ यांची विचारणा

कार्यक्रम पुण्यतिथीचा असला तरी केले काही दिवस शेतकरी संघावर जिल्हा प्रशासनाने ताबा घेण्याचे पडसाद या कार्यक्रमावर होते .अध्यक्षस्थानी खासदार संजय मंडलिक होते. मंत्री मुश्रीफ म्हणाले, शेतकरी संघाची प्रतिमा कशी उंचावू शकते, हे बाबा नेसरीकर यांनी कर्तुत्वातून दाखवून दिली.  संघाच्या अडचणी सोडविण्यासाठी कृषिमंत्री धनंजय मुंडे यांच्याकडे पाठपुरावा करू, पण पेट्रोल पंप प्रश्नी संजय मंडलिक यांनी लक्ष द्यावे. संघाची निवडणूक बिनविरोध करून चांगली माणसे संचालक म्हणून पाठवूया, असे आवाहन त्यांनी केले.

मंडलिक म्हणाले, शेतकरी संघ सहकारचे मंदिर आहे. संघाची जागा ताब्यात घेऊया. नव्या ताकदीने संघाला बळ देऊया असे सांगितले. आ. प्रकाश आबिटकर म्हणाले, सहकाला घरघर लागली असताना उभारी देण्यासाठी बाबा नेसरीकर यांच्या सारख्या निस्विर्थी व्यक्तींची गरज आहे. प्रास्ताविक संघाचे अध्यक्ष सुरेशराव देसाई यांनी केले. ते म्हणाले, संघाची निवडणूक बिनविरोध करा, संचालक म्हणून चांगल्या व्यक्तींना संधी द्यावी. निवडणूकीचा खर्च संघाला परवडणार नाही. अशासकीय प्राधिकृत अधिकारी मंडळाचे सदस्य अजित मोहिते, जयवंत पाटील, माजी अध्यक्ष वसंतराव मोहिते, यशोधन शिंदे उपस्थित होते.