scorecardresearch

Premium

कोल्हापूर : एसटी कर्मचारी बँकेतील १९ पैकी १४ संचालक गुणरत्न सदावर्तेंविरोधात; संचालकांची माहिती

एसटी कर्मचारी बँकेतील १९ पैकी १४ संचालक गुणरत्न सदावर्ते यांच्या विरोधात आहेत, असा दावा बँकेच्या संचालकांनी केला आहे.

st employees bank news in marathi, gunaratna sadavarte news in marathi
कोल्हापूर : एसटी कर्मचारी बँकेतील १९ पैकी १४ संचालक गुणरत्न सदावर्तेंविरोधात; संचालकांची माहिती (संग्रहित छायाचित्र)

कोल्हापूर : राज्य एसटी कर्मचारी सहकारी बँकेमध्ये ऍड. गुणरत्न सदावर्ते यांचा मार्गदर्शक म्हणून आम्ही स्वीकार केला होता. पण ते आता सर्वांचे मालक व्हायला निघाले असल्याने त्याला आमच्यासह एसटी जनसंघाने विरोध दर्शवला आहे. १९ पैकी १४ संचालक सदावर्ते विरोधात उभे ठाकले आहेत. त्यांना सदावर्तेकडून धमक्या आणि आलिशान मोटारींची आमिषे दाखवली जात आहेत, अशी माहिती बंडखोर संचालकांचे प्रवक्ते, एसटी कष्टकरी जनसंघाचे उपाध्यक्ष संतोष शिंदे यांनी शुक्रवारी येथे दिली.

ते म्हणाले, सदावर्ते यांनी पैसे घेऊन आणि बेकायदेशीररित्या नोकर भरती केली. त्यांचे मेहुणे सौरभ पाटील यांना बँकिंग क्षेत्रात कोणतेही ज्ञान नसताना त्यांची नियुक्ती उच्च अधिकारी पदी करून नवा वाद निर्माण केला होता. ३८ कर्मचाऱ्यांची त्यांनी चुकीच्या पद्धतीने निवड केली आहे. गुणरत्न सदावर्ते, जयश्री पाटील, आणि त्यांचे मेहुणे सौरभ पाटील यांच्या वादग्रस्त कारभारावर बोट ठेवत त्यांची लवकरच हकालपट्टी करणार असल्याचे शिंदे यांनी सांगितले.

paytm fiasco fm nirmala sitharaman meeting with the head of fintech firms in next week
‘पेटीएम संकटा’च्या पार्श्वभूमीवर मंथन…अर्थमंत्र्यांची ‘फिनटेक’ कंपन्यांच्या प्रमुखांसह येत्या आठवड्यात बैठक
farmer protest
शेतकर्‍यांबरोबर चर्चेच्या चौथ्या फेरीत काय ठरले? शेतकऱ्यांसाठी केंद्राची पंचवार्षिक योजना काय आहे?
Ashok Chavan leave Congress party
अशोक चव्हाण यांची काँग्रेसला सोडचिठ्ठी; आता त्यांच्यावरील तीन खटल्यांचं काय होणार?
Transfer of 120 officers and employees in navi mumbai municipal corporation
नवी मुंबई : महापालिकेत १२० अधिकारी, कर्मचाऱ्यांच्या बदल्या

हेही वाचा : राष्ट्रीय महामार्गावरील पुलाच्या कामाने कोल्हापूरातील नेत्यांमध्ये वादाच्या भिंती

सदावर्ते बँकेत कोणत्याही पदावर नाहीत. त्यांची पत्नी जयश्री पाटील या एसटी कष्टकरी जनसंघाच्या अध्यक्ष आहेत. जनसंघाचे नेतृत्वाखाली निवडणूक लढवलेल्या पॅनलची सत्ता बँकेत आली म्हणून सदावर्ते बँकेच्या कारभारात हस्तक्षेप करीत आहेत . त्यांच्या लुडबुडीमुळे आणि जातीय द्वेषजनक वक्तव्यामुळे ठेवीदारांनी ४८० कोटीच्या ठेवी काढून घेतल्याने बँकेचा सीडी रेशो बिघडला आहे. बँक अडचणीत आल्याने बहुतांशी संचालकांनी त्यांचे नेतृत्व झुगारले आहे. बँकेची स्थिती पूर्वपदावर आणण्यासाठी त्यांनी बंड केले आहे,असेही शिंदे म्हणाले.

हेही वाचा : केंद्र सरकारचा इथेनॉल बंदीचा निर्णय तुघलकी; राजू शेट्टी

हे संचालक सोबत

सध्या गुणरत्न सदावर्ते यांच्या विरोधात १४ संचालक असून ते लवकरच होणाऱ्या बैठकीत विरोध उघडपणे दाखवून देतील. त्यातील ११ संचालक एका हॉटेलमध्ये आहेत. एकजण त्यांच्या कामामुळे घरी आहेत तर दोघेजण त्यांच्या सोबत असले तरी बैठकीवेळी ते आमच्यासोबत येतील, असा दावा शिंदे यांनी केला.

Latest Comment
View All Comments
Post Comment

Kolhapur News (कोल्हापूर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Kolhapur 14 out of 19 directors in st employees bank against gunaratna sadavarte css

First published on: 08-12-2023 at 18:23 IST

आजचा ई-पेपर : कोल्हापूर

वाचा
epaper image

संबंधित बातम्या

तुम्ही या बातम्या वाचल्या आहेत का? ×