कोल्हापूर चप्पल बांधणी प्रकल्प दोन महिन्यांत साकारणार

प्रमुख अतिथी जिल्हाधिकारी अमोल येडगे म्हणाले, महिला खऱ्या अर्थाने कुटुंबाचा आर्थिक कणा आहेत .त्यांची आर्थिक शिस्त उल्लेखनीय आहे.त्यांच्या या आर्थिक शिस्तीमुळेच कुटुंबाची सर्वांगीण उन्नती होते.प्रशासनातर्फे १७ सप्टेंबर ते २ऑक्टोबर या कालावधीत ‘ स्वस्थ नारी – सशक्त परिवार ‘ हे अभियान राबविण्यात येत आहे या अभियानाचा . तसेच महिलांच्या आर्थिक उन्नतीसाठी शासनातर्फे अनेक विविध योजना राबविण्यात येतात त्याचाही लाभ महिला बचत गटांनी मोठ्या प्रमाणावर घ्यावा . स्त्रियांचीकेवळ आर्थिक उन्नतीच नाही तर सर्वांगीण प्रगती व्हायला हवी असेही मत त्यांनी यावेळी व्यक्त केले.

यावेळी जिल्हाधिकारी येडगे यांच्या हस्ते, दत्त , ओम साई महिला बचत गट,उद्योजिका शिवानी पाटील तसेच इयत्ता दहावीत ९६ टक्के गुण मिळवणारी विद्यार्थिनी समीक्षा पाटील त्याचबरोबर सांगरूळ येथील कोल्हापूर चप्पल निर्माण करणाऱ्या महिला बचत गटाचा स्मृतिचिन्ह, प्रमाणपत्र व गुलाब पुष्प देऊन जिल्हाधिकाऱ्यांच्या हस्ते सन्मान करण्यात आला . क्रांतीज्योती सावित्रीबाई फुले यांच्या प्रतिमेला पुष्पहार अर्पण करून कार्यक्रमास प्रारंभ करण्यात आला . अस्मिता लोकसंचालित साधन केंद्र बालिंगा या ठिकाणी साधारणता ४०० पेक्षा अधिक महिला बचत गट ३२ पेक्षा अधिक गावांचा समावेश तर ५ हजारपेक्षा अधिक महिला सदस्य कार्यरत आहेत .या संस्थेची सुमारे ६ कोटी १६ लाख रुपयांपेक्षा अधिक बचत आहे .

मानवीय भांडवलात गुंतवणूक आणि महिलांचे क्षमता संवर्धन करून, याप्रमाणे महिलांना आर्थिक आणि सामाजिक दृष्ट्या सबल करणे तसेच त्यांना उपजिविकेचे शाश्वत साधन उपलब्ध करून देऊन लिंगभेद नष्ट करणे आणि महिलांना समान न्याय मिळवून देणे हे माविमचे ध्येय आहे. याप्रसंगी विजयकुमार चौगुले ,संस्थाध्यक्ष दिपाली कांबळे , डॉ .योगेश साळे ,सिद्धाराम मासाळे, सुनील बगाडे , श्री प्रधान सर , प्रकल्प सल्लागार (माविम) सुजाता कणसे ,श्रीमती गुरव यांच्यासह माविम व सीएमआरसीचे इतर अधिकारी – कर्मचारी आणि महिला बचत गटाचे सदस्य उपस्थित होते.