पंचगंगा नदी प्रदूषण मुक्तीसाठी ३९५ कोटीची निविदा मंजूर – धैर्यशील माने

त्यानंतर नोव्हेंबर २०२२ मध्ये मंत्रालयात तत्कालीन मुख्यमंत्री एकनाथ शिंदे यांच्या अध्यक्षतेखाली झालेल्या सचिवांच्या बैठकीवेळी खासदार माने यांनी पंचगंगा नदी प्रदूषणमुक्त होण्याच्या अनुषंगाने इचलकरंजी, हातकणंगले व यड्राव औद्योगिक वसाहतीमधील नदीत मिसळणारे रसायनमुक्त पाणी रोखण्यासाठी निधीची मागणी केली होती. आ अनुषंगाने महाराष्ट्र औद्योगिक विकास महामंडळाने सप्टेंबर २०२४ मध्ये ६०९ कोटी रुपये खर्चाचा निर्णय घेतला होता. यातील जीएसटी, भाववाढ आदी खर्च वगळून रुपये ३९५ कोटींची निविदा मंजूर करून ही कामे इन्व्हायरो इन्फ्रा इंजिनिअर्स लि. एआयईपीएल कंपनीकडे सोपवण्यात आली आहेत.

पंचगंगेला नवजीवन

शून्य पाणी निर्गत (झेडएलडी) असलेला हा प्रकल्प पूर्ण होवून तिन्ही औद्योगिक वसाहती मधील एक थेंबही सांडपाणी पंचगंगा नदीत मिसळणा नाही. हा प्रकल्प पंचगंगेला नवजीवन देईल. औद्योगिक वाढ, पर्यावरण संवर्धन संतुलन साधेल. – धैर्यशील माने,खासदार

औद्योगिक प्रगतीसोबत पर्यावरणाचा समतोल राखण्याच्या दिशेने महत्त्वपूर्ण पाऊल म्हणून पंचगंगा नदी प्रदूषणमुक्ती प्रकल्पाला आता गती मिळाली आहे.तब्बल ६०९ कोटी ५८ लाख रुपयांचा निधी मंजूर होऊन कामाला सुरुवात होत आहे. यावेळी एमआयडीसीचे कार्यकारी अभियंता ईराप्पा नाईक, उपअभियंता अमित भुरले,इन्व्हायरो इन्फ्रा कंपनीचे प्रोजेक्ट मॅनेजर पियुष राघव,असिस्टंट प्रोजेक्ट मॅनेजर, आभिषेक सिंग उपस्थित होते.

प्रकल्पासाठी निधीचे वाटप असे – वस्त्रोद्योग विभाग २५%, उद्योग विभाग ५०% आणि पर्यावरण विभाग २५% — असे करण्यात आले आहे. प्रकल्पांतर्गत इचलकरंजी, हातकणंगले व यड्राव औद्योगिक वसाहतीतील सांडपाणी प्रक्रिया प्रकल्पांचे झेडएलडी (झिरो लिक्विड डिस्चार्ज) सह उन्नतीकरण, क्षमता वाढविणे तसेच सुमारे ८१ किलोमीटरच्या सांडपाणी वाहिनी व पुनर्वापर पाईपलाईन आणि इतर आवश्यक सुधारणा केली जाणार आहेत. यासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे,अजित पवार व उद्योग मंत्री उदय सामंत यांचे सहकार्य मिळाले असल्याची माहिती खासदार माने यांनी दिली.