यड्राव बँक बहुराज्य करणार - अजय पाटील यड्रावकर | yadrav bank will make multi state bank says ajay patil yadravkar

यड्राव बॅंकेची तिसावी वार्षिक सर्वसाधारण सभा जयसिंगपूर येथील प्रशासकीय कार्यालयाच्या सभागृहात शनिवारी झाली. यावेळी ते बोलत होते.

यड्राव बँक https://apps.mgov.gov.in/Ltd image source

कोल्हापूर : आधुनिकीकरणासह यड्राव सहकारी बॅंकेला बहुराज्य दर्जा मिळवून दिला जाणार आहे, असे मत बँकेचे नवनिर्वाचित अध्यक्ष अजय राजेंद्र पाटील यड्रावकर यांनी शनिवारी व्यक्त केले. यड्राव बॅंकेची तिसावी वार्षिक सर्वसाधारण सभा जयसिंगपूर येथील प्रशासकीय कार्यालयाच्या सभागृहात शनिवारी झाली. यावेळी ते बोलत होते.

स्पर्धेच्या जगात बँक मोठी होण्यासाठी अधिकारी व कर्मचारी यांनी आधुनिकतेचा स्विकार करायला हवा. ग्राहकांशी संवाद वाढवण्यासाठी अधिकारी व कर्मचारी यांच्यासाठी कार्यशाळेचे आयोजन करावे, अशी भावना व्यवस्थापकीय संचालक मंडळाचे सदस्य अनिल बागणे यांनी व्यक्त केली.माजी नगराध्यक्ष संजय पाटील यड्रावकर आढावा घेताना बँकेने १५० कोटीच्या ठेवींचे उद्दिष्ट पूर्ण केले असून २५० कोटी रुपयाचा व्यवसाय केला आहे. बँक लवकरच स्वमालकीच्या इमारतीमध्ये कार्यरत होईल, असे सांगितले. बँकेचे मुख्य कार्यकारी अधिकारी श्रीशैल नायकुडे यांनी विषय पत्रिकेचे वाचन केले. सर्व विषयांना आवाजी मताने मंजुरी दिली. दिलीप मगदूम यांनी स्वागत, संचालक विशाल आवटी यांनी आभार,बबन यादव यांनी सूत्रसंचलन केले.

First published on: 15-07-2023 at 21:23 IST

Web Title: Yadrav bank will make multi state bank says ajay patil yadravkar zws

यड्राव बँक बहुराज्य करणार – अजय पाटील यड्रावकर