विश्वनाथन आनंद आणि मॅग्नस कार्लसन यांच्यातील लढत म्हणजे बुद्धिबळ चाहत्यांसाठी पर्वणी असते. अझरबैजानमधील शामकीर येथे सुरू असलेल्या बुद्धिबळ स्पर्धेत आनंदला विश्वविजेत्या कार्लसनवर विजय मिळवण्याची संधी होती. मात्र मोक्याच्या क्षणी झालेल्या चुकांमुळे आनंदला बरोबरीत समाधान मानावे लागले. कार्लसनच्या हातून झालेल्या चुकीचा फायदा उठवत पाचवेळा विश्वविजेता आनंदने पॉन पोझिशन मिळवली. यावेळी आनंद विजयश्री मिळवणार अशी स्थिती होती. मात्र कार्लसनने चिवटपणे खेळ करत महत्त्वपूर्ण अर्धा गुण मिळवत आनंदला बरोबरी करण्यास भाग पाडले.
