घरगुती कारणामुळे बेन स्टोक्सची पाकिस्तानविरुद्ध मालिकेतून माघार

वेस्ट इंडिजला घरच्या मैदानावर कसोटी मालिकेत २-१ ने पराभूत करणाऱ्या इंग्लंडने पाकिस्तानविरुद्ध मालिकेतही चांगली सुरुवात केली आहे. मँचेस्टर कसोटी सामन्यात इंग्लंडने ३ गडी राखत पाकिस्तानवर मात केली. महत्वाची गोष्ट म्हणजे ४ दिवसांमध्येच या सामन्याचा निकाल लागला. विजयी सुरुवात करणाऱ्या इंग्लंडला उर्वरित सामने संघातील अष्टपैलू बेन स्टोक्सशिवाय खेळावे लागणार आहेत. स्टोक्सने घरगुती कारणांमुळे पाकिस्तानविरुद्ध उर्वरित मालिकेतून माघार घेतली आहे. स्टोक्स न्यूझीलंडला आपल्या पालकांना भेटायला जाणार आहे. त्यामुळे साऊदम्पटनमध्ये खेळवण्यात येणाऱ्या उर्वरित दोन कसोटी सामन्यांकरता तो उपलब्ध नसेल.