13 July 2020

News Flash

World Cup 2019 : ती ४५ मिनीटं आम्हाला महाग पडली, विराटने स्विकारला भारताचा पराभव

न्यूझीलंडची भारतावर १८ धावांनी मात

विराट कोहलीच्या नेतृत्वाखाली भारतीय संघाचं २०१९ विश्वचषक स्पर्धेतलं आव्हान संपुष्टात आलेलं आहे. उपांत्य सामन्यात न्यूझीलंडने भारतावर १८ धावांनी मात करत अंतिम फेरीत प्रवेश केला. २४० धावांच्या लक्ष्याचा पाठलाग करताना भारतीय संघ केवळ २२१ धावांपर्यंतच मजल मारु शकला. सामना संपल्यानंतर झालेल्या पत्रकार परिषदेत कर्णधार विराट कोहलीने आपला पराभव मान्य केला आहे.

पत्रकार परिषदेत भारतीय संघाच्या पराभवाचं कारण विचारलं असताना विराट म्हणाला, “२४० धावांचा पाठलाग करु असा विश्वास आम्हाला होता. मात्र पहिल्या ४५ मिनीटांमध्ये आम्ही प्रचंड खराब खेळ केला. हीच ४५ मिनीटं आम्हाला पुढे महागात पडली. न्यूझीलंडच्या गोलंदाजांनी पहिल्या स्पेलमध्ये चांगली गोलंदाजी केली, त्यामुळे आम्ही बॅकफूटला ढकलले गेलो. इथेच आम्ही सामना आमच्या हातातून निसटला होता.”

अखेरच्या फळीत रविंद्र जाडेजा आणि महेंद्रसिंह धोनी यांनी शतकी भागीदारी रचत भारताला विजयाच्या समीप आणून सोडलं खरं, मात्र मोक्याच्या क्षणी दोन्ही फलंदाज माघारी परतले. यानंतर तळातल्या फलंदाजांना विजयासाठी उरलेलं आव्हान पूर्ण करणं शक्य झालं नाही आणि न्यूझीलंडने सामन्यात बाजी मारली.

अवश्य वाचा – World Cup 2019 : उपांत्य सामन्यातलं दुष्टचक्र विराटची पाठ सोडेना, ऋषभ पंत मात्र ठरला लकी

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 10, 2019 9:27 pm

Web Title: cricket world cup 2019 virat blame 45 minutes bad play in beginning for team india failure in match vs nz psd 91
Next Stories
1 World Cup 2019 : क्षेत्ररक्षण-गोलंदाजी-फलंदाजी, उपांत्य सामन्यात सबकुछ रविंद्र जाडेजा !
2 World Cup 2019 : जाडेजाचं अभिनंदन करतानाही मांजरेकरांचा खोचकपणा, नेटकरी संतापले
3 World Cup 2019 : ‘सर जाडेजा’ चमकले ! उपांत्य फेरीच्या सामन्यात विक्रमी कामगिरीची नोंद
Just Now!
X