28 September 2020

News Flash

ENG vs PAK : दुसऱ्या कसोटीसाठी बेन स्टोक्सच्या जागी संघात ‘हा’ खेळाडू

१३ ते १७ ऑगस्ट दरम्यान साऊथॅम्प्टन येथे दुसरी कसोटी

यजमान इंग्लंडने मँचेस्टरमध्ये पाकिस्तानचा ३ गडी राखून पराभूत केल्यानंतर इंग्लंडने साऊथॅम्प्टन येथे होणार्‍या दुसर्‍या कसोटी सामन्यासाठी संघाची घोषणा केली आहे. इंग्लंडने बेन स्टोक्सऐवजी १४ सदस्यीय इंग्लंड संघात वेगवान गोलंदाज ओली रॉबिनसनला स्थान दिले आहे. वैयक्तिक कारणास्तव स्टोक्सने उर्वरित मालिकेत न खेळण्याचा निर्णय घेतला आहे. त्यामुळे त्याच्या जागी वेगवान गोलंदाजाला संधी देण्यात आली आहे. इंग्लंड-पाकिस्तान दुसरी कसोटी १३ ऑगस्टपासून (गुरुवारी) खेळविण्यात येणार आहे. यजमान संघा मालिकेत १-० अशा आघाडीवर आहे.

ओली रॉबिन्सन हा वेगवान गोलंदाज आहे. त्याने प्रथम श्रेणी क्रिकेटमध्ये ५७ सामने खेळले आहेत. त्यात त्याने २४४ बळी घेतले आहेत. याशिवाय त्याने फलंदाजीतही चमक दाखवून दिली आहे. १ शतक आणि ५ अर्धशतकांसह त्याने आपल्या नावावर चांगल्या धावाही जमवल्या आहेत. इंग्लंडने ख्रिस वोक्स आणि जोस बटलरच्या शानदार खेळीमुळे जोरदार पुनरागमन करत पहिली कसोटी तीन गडी राखून जिंकली होती.

असा आहे इंग्लंडचा संघ-

जो रूट- कर्णधार, जेम्स अँडरसन, जोफ्रा आर्चर, डोमिनिक बेस, स्टुअर्ट ब्रॉड, रॉरी बर्न्स, जोस बटलर, झॅक क्रॉले, सॅम कुरन, ओली पोप, ओली रॉबिन्सन, डोम सिबली, ख्रिस वॉक्स, मार्क वूड

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 13, 2020 1:43 pm

Web Title: eng vs pak 2nd test england squad declared vs pakistan ben stokes out ollie robinson in team vjb 91
Next Stories
1 IPL 2020: विराट कोहलीच्या RCB संघात ‘आदित्य ठाकरे’
2 विराटने तोंडावर सांगितली होती ‘ही’ गोष्ट – पाकिस्तानी खेळाडू
3 IPL 2020 : आनंदाची बातमी! ‘टीम इंडिया’च्या खेळाडूची करोनावर मात
Just Now!
X