पॅरिस येथे सुरु असलेल्या French Open Badminton स्पर्धेत आज भारताचा आघाडीचा बॅडमिंटपटू किदम्बी श्रीकांत याने विजय मिळवला. हाँगकाँगचा खेळाडू वॉंग विंग याला श्रीकांतने २१-१९,२१-१३ अशी धूळ चारली आणि स्पर्धेच्या उप-उपांत्यपूर्व फेरीत धडक मारली.

पहिल्या गेममध्ये दोघांमधील सामना अगदी अटीतटीचा झाला. एक वेळ अशी होती जेव्हा श्रीकांतला गेम गमवावा लागतो कि काय असा प्रश्नही चाहत्यांच्या मनात आला. पण मोक्याच्या क्षणी योग्य फटके खेळत श्रीकांतने पहिला गेम खिशात घातला. दुसऱ्या गेममध्येही ‘काँटे की टक्कर’ पाहायला मिळणार, अशी चाहत्यांना आशा होती. पण तसे झाले नाही. दुसऱ्या गेममध्ये श्रीकांतने आधीच्या गेममध्ये केलेल्या चुका टाळत २१-१३ अशी सहज मात दिली आणि सामना जिंकला.