20 July 2019

News Flash

Ind vs Pak : आधी टीम इंडिया, नंतर पाऊस ! डबल सर्जिकल स्ट्राईकने पाकिस्तान घायाळ

विश्वचषक स्पर्धेत भारताचा पाकिस्तानवर सातवा विजय

विश्वचषक स्पर्धेत भारताकडून पराभव स्विकारण्याची परंपरा पाकिस्तान संघाने कायम राखली आहे. पावसाने व्यत्यय आणलेल्या सामन्यात भारताने पाकिस्तानवर ८९ धावांनी मात केली. ३३७ धावांचं लक्ष्य घेऊन मैदानात उतरलेल्या पाकिस्तानची सुरुवात फारशी चांगली झाली नाही. ३५ व्या षटकानंतर सामन्यात पावसाने हजेरी लावली. यादरम्यान बराच वेळ वाया गेल्यामुळे पाकिस्तानला डकवर्थ लुईस नियमानुसार सुधारित लक्ष्य देण्यात आलं. त्यानुसार पाकिस्तानला ५ षटकात १३६ धावा करमं भाग होतं. हे आव्हान पाकिस्तानी संघाला पेलवलं नाही.

भारताने दिलेल्या लक्ष्याचा पाठलाग करताना पाकिस्तानची सुरुवात अडखळती झाली. इमाम उल-हक विजय शंकरच्या गोलंदाजीवर पायचीत होऊन माघारी परतला. यानंतर सलामीवीर फखार झमान आणि बाबर आझम यांनी दुसऱ्या विकेटसाठी १०४ धावांची भागीदारी करत संघाचा डाव सावरला. फखार झमानने यादरम्यान आपलं अर्धशतकही साजरं केलं. अखेरीस कुलदीप यादवने बाबर आझमनचा त्रिफळा उडवत पाकिस्तानची जोडी फोडली. केवळ दोन धावांनी बाबर आझमचं अर्धशतक हुकलं.

यानंतर पाकिस्तानच्या डावाला गळतीच लागली. फखार झमान, मोहम्मद हाफिज, शोएब मलिक हे मातब्बर फलंदाज एकामागोमाग एक माघारी परतत राहिले. मधल्या फळीत कर्णधार सरफराज आणि इमाद वासिम यांनी थोडीफार झुंज दिली. मात्र वरुणराजाने पाकिस्तानसमोरचं लक्ष्य आणखीन कठीण करुन ठेवलं. विजय शंकरने सरफराजचा त्रिफळा उडवत पाकिस्तानला बॅकफूटला ढकललं. यानंतर विजयासाठी आवश्यक असणारं लक्ष्य पाकिस्तानचा संघ पूर्ण करु शकला नाही. भारताकडून विजय शंकर, हार्दिक पांड्या आणि कुलदीप यादव यांनी प्रत्येकी २-२ बळी घेतले. विश्वचषक स्पर्धेत भारताचा पाकिस्तानवर हा सातवा विजय ठरला आहे.

दरम्यान,सलामीवीर रोहित शर्माचं शतक आणि कर्णधार विराट कोहलीच्या झुंजार अर्धशतकी खेळीच्या जोरावर भारताने पाकिस्तानविरुद्ध सामन्यात त्रिशतकी मजल मारली. ५ गड्यांच्या मोबदल्यात भारतीय संघाने ३३६ धावांचं लक्ष्य गाठलं. भारतीय फलंदाजांच्या आक्रमक खेळापुढे पाकिस्तानचे गोलंदाज पुरते हतबल दिसले.

अवश्य वाचा – Ind vs Pak : विराटला मागे टाकत रोहित शर्माची बाजी, केली अनोख्या विक्रमाची नोंद

नाणेफेक जिंकून पाकिस्तानचा कर्णधार सरफराज अहमदने प्रथम गोलंदाजी करण्याचा निर्णय घेतला. मात्र त्याचा हा निर्णय पुरता फसला. रोहित शर्मा आणि लोकेश राहुल यांनी पहिल्या विकेटसाठी १३६ धावांची शतकी भागीदारी केली. यादरम्यान दोन्ही खेळाडूंनी आपली अर्धशतकं पूर्ण केली. वहाब रियाझने लोकेश राहुलचा अडसर दूर करत भारताला पहिला धक्का दिला. यानंतर रोहित शर्माने कर्णधार विराट कोहलीच्या सोबतीने संघाचा डाव सावरला.

अवश्य वाचा – Ind vs Pak : रोहित शर्मा चमकला, सर्वात जलद शतक झळकावणाऱ्या फलंदाजांच्या यादीत स्थान

दोन्ही खेळाडूंमध्ये दुसऱ्या विकेटसाठी ९८ धावांची भागीदारीही झाली. अखेरीस रोहित शर्मा हसन अलीच्या गोलंदाजीवर माघारी परतला. त्याने १४० धावांची खेळी केली. यानंतर हार्दिक पांड्याने फटकेबाजी करत विराट भारताच्या धावसंख्यात भर घातली. पांड्या माघारी परतल्यानंतर धोनीही अवघी एक धाव काढून माघारी परतला. अखेरीस धोनीने विजय शंकरच्या साथीने संघाला ३०० धावांचा टप्पा ओलांडून दिला. विराट कोहलीही ७७ धावांवर मोहम्मद आमिरच्या गोलंदाजीवर माघारी परतला. पाऊसाचा व्यत्यय थांबल्यानंतर आमिरने त्याची विकेट घेतली.

यानंतर केदार जाधव आणि विजय शंकर जोडीने फटकेबाजी करत संघाला ३३६ धावांचा टप्पा गाठून दिला. पाकिस्तानकडून मोहम्मद आमिरने ३ तर हसन अली आणि वहाब रियाझ यांनी प्रत्येकी १-१ बळी घेतला.

अवश्य वाचा – Ind vs Pak : भारताच्या अडचणींमध्ये भर, भुवनेश्वर कुमार दुखापतीमुळे मैदानाबाहेर

लोकसत्ता समालोचन

Live Blog

Highlights

  • 22:05 (IST)

    लागोपाठच्या चेंडूवर शोएब मलिक त्रिफळाचीत, पाकिस्तानचा निम्मा संघ बाद

    हार्दिक पांड्याच्या गोलंदाजीवर बॅटची कडा लागून शोएब बाद, पाकिस्तानचा संघ बॅकफूटवर

  • 21:58 (IST)

    ठराविक अंतराने बाबर आझम आणि फखार झमान माघारी, पाकिस्तानला तिसरा धक्का

    कुलदीपने उडवला बाबर आझमचा त्रिफळा.

    कुलदीप यादवच्या गोलंदाजीवर स्विप शॉट खेळण्याच्या प्रयत्नात चहलने घेतला झमानचा झेल

  • 20:31 (IST)

    पाकिस्तानला पहिला धक्का, इमाम उल-हक माघारी

    भुवनेश्वर कुमारला गोलंदाजीदरम्यान दुखापत झाल्यामुळे तो मैदानाबाहेर गेला, त्याचं षटक पूर्ण करण्यासाठी आलेल्या विजय शंकरने आपल्या पहिल्याच चेंडूवर बळी घेतला.

    इमाम उल-हक शंकरच्या गोलंदाजीवर पायचीत होऊन माघारी

  • 19:16 (IST)

    भारताला पाचवा धक्का, विराट कोहली माघारी

    मोहम्मद आमिरच्या गोलंदाजीवर यष्टीरक्षक सरफराज अहमदने घेतला झेल

  • 18:18 (IST)

    मँचेस्टरमध्ये पावसाचं आगमन, खेळ थांबवला

    भारताने ओलांडला ३०० धावांचा टप्पा, भारत ४६.४ षटकात ३०५/४

  • 18:10 (IST)

    भारताला चौथा धक्का, महेंद्रसिंह धोनी माघारी

    मोहम्मद आमिरच्या गोलंदाजीवर यष्टीरक्षक सरफराजकडे झेल देत धोनी माघारी. केली अवघी एक धाव

  • 17:59 (IST)

    कर्णधार विराट कोहलीचं अर्धशतक, भारताची त्रिशतकी धावसंख्येकडे वाटचाल

    रोहित शर्मा माघारी परतल्यानंतर विराटने हार्दिक पांड्याच्या मदतीने संघाचा डाव सावरत आपलं अर्धशतक पूर्ण केलं आहे.

  • 17:39 (IST)

    रोहित शर्मा माघारी, भारताला दुसरा धक्का

    हसन अलीच्या गोलंदाजीवर चोरटा फटका खेळण्याच्या प्रयत्नात रोहित शर्मा सोपा झेल देऊन माघारी परतला. रोहितने ११३ चेंडूत १४० धावांची खेळी केली. त्याच्या या खेळीत १४ चौकार आणि ३ षटकारांचा समावेश होता.

    हसन अलीने रोहित शर्माचा बळी घेतला.

  • 17:05 (IST)

    रोहित शर्माचं शतक, भारतीय संघाची गाडी सुस्साट

    लोकेश राहुल माघारी परतल्यानंतर रोहित शर्माने विराटच्या साथीने संघाचा डाव सावरत झळकावलं शतक. या स्पर्धेतलं रोहित शर्माचं हे दुसरं शतक ठरलं आहे.

  • 16:29 (IST)

    रोहितपाठोपाठ लोकेश राहुलचंही अर्धशतक

    भारतीय फलंदाजांची सामन्यावर मजबूत पकड. पाकिस्तानच्या गोलंदाजांवर राहुलचा हल्लाबोल

  • 15:54 (IST)

    सलामीवीर रोहित शर्माचं धडाकेबाज अर्धशतक

    रोहित शर्माने पाकिस्तानी गोलंदाजांचा समाचार घेत, मैदानाच्या चौफेर फटकेबाजी करत रोहितने पाकिस्तानी गोलंदाजांच्या नाकीनऊ आणले. शादाब खानच्या एका षटकात १७ धावांची वसुली करत रोहित शर्माचं अर्धशतक साजरं

  • 15:46 (IST)

    भारतीय सलामीवीरांची आक्रमक सुरुवात

    लोकेश राहुल आणि रोहित शर्मा जोडीने सावधपणे सुरुवात करत सामन्यावर आपली पकड बसवली आहे. मोहम्मद आमिरची पहिली काही षटकं सांभाळून खेळल्यानंतर दोन्ही फलंदाजांनी पाकच्या गोलंदाजांवर वर्चस्व गाजवायला सुरुवात केली आहे. दोघांमध्ये पहिल्या विकेटसाठी यशस्वी अर्धशतकी भागीदारी.

00:00 (IST)17 Jun 2019
भारताची पाकिस्तानवर मात, ८९ धावांनी जिंकला सामना

५ षटकात १३६ धावा करण्याचं आव्हान पाकिस्तानला झेपलं नाही. विश्वचषक स्पर्धेतला भारताचा पाकिस्तानवर हा सातवा विजय ठरला आहे

23:35 (IST)16 Jun 2019
सामन्याला लवकरच सुरुवात होणार, पाकिस्तानसमोर खडतर आव्हान

डकवर्थ लुईस नियमानुसार पाकिस्तानसमोर सुधारीत लक्ष्य ठेवण्यात आलंय.

22:47 (IST)16 Jun 2019
सामन्यात पुन्हा एकदा पावसाचं आगमन

डकवर्थ लुईस नियमानुसार पाकिस्तानने ३५ षटकानंतर अपेक्षित धावसंख्येच्या ८६ धावा मागे आहे. त्यामुळे पावसामुळे सामना रद्द झाल्यास भारताचा विजय सुनिश्चीत

22:46 (IST)16 Jun 2019
विजय शंकरला सामन्यात दुसरा बळी, पाक कर्णधार सरफराजचा घेतला बळी

सरफराज अहमद त्रिफळाचीत, पाकिस्तानला सहावा धक्का

22:05 (IST)16 Jun 2019
लागोपाठच्या चेंडूवर शोएब मलिक त्रिफळाचीत, पाकिस्तानचा निम्मा संघ बाद

हार्दिक पांड्याच्या गोलंदाजीवर बॅटची कडा लागून शोएब बाद, पाकिस्तानचा संघ बॅकफूटवर

22:04 (IST)16 Jun 2019
पाकिस्तानला चौथा धक्का, मोहम्मद हाफिज माघारी

हार्दिक पांड्याच्या गोलंदाजीवर फटका खेळण्याच्या प्रयत्नात मोहम्मद हाफीज बाद

21:58 (IST)16 Jun 2019
ठराविक अंतराने बाबर आझम आणि फखार झमान माघारी, पाकिस्तानला तिसरा धक्का

कुलदीपने उडवला बाबर आझमचा त्रिफळा.

कुलदीप यादवच्या गोलंदाजीवर स्विप शॉट खेळण्याच्या प्रयत्नात चहलने घेतला झमानचा झेल

21:38 (IST)16 Jun 2019
फखार झमान - बाबर आझम जोडीने पाकिस्तानचा डाव सावरला

भारतीय गोलंदाजांचा समर्थपणे सामना करत फखार झमानने अर्धशतकी खेळीची नोंद केली आहे.

20:31 (IST)16 Jun 2019
पाकिस्तानला पहिला धक्का, इमाम उल-हक माघारी

भुवनेश्वर कुमारला गोलंदाजीदरम्यान दुखापत झाल्यामुळे तो मैदानाबाहेर गेला, त्याचं षटक पूर्ण करण्यासाठी आलेल्या विजय शंकरने आपल्या पहिल्याच चेंडूवर बळी घेतला.

इमाम उल-हक शंकरच्या गोलंदाजीवर पायचीत होऊन माघारी

19:31 (IST)16 Jun 2019
भारताची ३३६ धावांपर्यंत मजल, पाकिस्तानला ३३७ धावांचं आव्हान

केदार जाधव आणि विजय शंकर जोडीने अखेरच्या षटकात फटकेबाजी करत संघाला ३३६ धावांचा पल्ला गाठून दिला.

19:16 (IST)16 Jun 2019
भारताला पाचवा धक्का, विराट कोहली माघारी

मोहम्मद आमिरच्या गोलंदाजीवर यष्टीरक्षक सरफराज अहमदने घेतला झेल

19:08 (IST)16 Jun 2019
पावसाचा खेळ थांबला, सामन्याला सुरुवात
18:18 (IST)16 Jun 2019
मँचेस्टरमध्ये पावसाचं आगमन, खेळ थांबवला

भारताने ओलांडला ३०० धावांचा टप्पा, भारत ४६.४ षटकात ३०५/४

18:10 (IST)16 Jun 2019
भारताला चौथा धक्का, महेंद्रसिंह धोनी माघारी

मोहम्मद आमिरच्या गोलंदाजीवर यष्टीरक्षक सरफराजकडे झेल देत धोनी माघारी. केली अवघी एक धाव

18:00 (IST)16 Jun 2019
भारताला तिसरा धक्का, हार्दिक पांड्या माघारी

मोहम्मद आमिरच्या गोलंदाजीवर उंच फटका खेळण्याच्या प्रयत्नात हार्दिक पांड्या झेलबाद, भारताचा तिसरा गडी तंबूत परतला

17:59 (IST)16 Jun 2019
कर्णधार विराट कोहलीचं अर्धशतक, भारताची त्रिशतकी धावसंख्येकडे वाटचाल

रोहित शर्मा माघारी परतल्यानंतर विराटने हार्दिक पांड्याच्या मदतीने संघाचा डाव सावरत आपलं अर्धशतक पूर्ण केलं आहे.

17:39 (IST)16 Jun 2019
रोहित शर्मा माघारी, भारताला दुसरा धक्का

हसन अलीच्या गोलंदाजीवर चोरटा फटका खेळण्याच्या प्रयत्नात रोहित शर्मा सोपा झेल देऊन माघारी परतला. रोहितने ११३ चेंडूत १४० धावांची खेळी केली. त्याच्या या खेळीत १४ चौकार आणि ३ षटकारांचा समावेश होता.

हसन अलीने रोहित शर्माचा बळी घेतला.

17:05 (IST)16 Jun 2019
रोहित शर्माचं शतक, भारतीय संघाची गाडी सुस्साट

लोकेश राहुल माघारी परतल्यानंतर रोहित शर्माने विराटच्या साथीने संघाचा डाव सावरत झळकावलं शतक. या स्पर्धेतलं रोहित शर्माचं हे दुसरं शतक ठरलं आहे.

16:38 (IST)16 Jun 2019
भारताला पहिला धक्का, लोकेश राहुल माघारी

अखेर वहाब रियाझने भारताची जमलेली जोडी फोडली आहे. अर्धशतक झळकावल्यानंतर लोकेश राहुल झेलबाद, पहिल्या विकेटसाठी लोकेश राहुल-रोहित शर्मामध्ये १३६ धावांची भागीदारी

16:29 (IST)16 Jun 2019
रोहितपाठोपाठ लोकेश राहुलचंही अर्धशतक

भारतीय फलंदाजांची सामन्यावर मजबूत पकड. पाकिस्तानच्या गोलंदाजांवर राहुलचा हल्लाबोल

15:54 (IST)16 Jun 2019
सलामीवीर रोहित शर्माचं धडाकेबाज अर्धशतक

रोहित शर्माने पाकिस्तानी गोलंदाजांचा समाचार घेत, मैदानाच्या चौफेर फटकेबाजी करत रोहितने पाकिस्तानी गोलंदाजांच्या नाकीनऊ आणले. शादाब खानच्या एका षटकात १७ धावांची वसुली करत रोहित शर्माचं अर्धशतक साजरं

15:46 (IST)16 Jun 2019
भारतीय सलामीवीरांची आक्रमक सुरुवात

लोकेश राहुल आणि रोहित शर्मा जोडीने सावधपणे सुरुवात करत सामन्यावर आपली पकड बसवली आहे. मोहम्मद आमिरची पहिली काही षटकं सांभाळून खेळल्यानंतर दोन्ही फलंदाजांनी पाकच्या गोलंदाजांवर वर्चस्व गाजवायला सुरुवात केली आहे. दोघांमध्ये पहिल्या विकेटसाठी यशस्वी अर्धशतकी भागीदारी.

14:40 (IST)16 Jun 2019
असा आहे पाकिस्तानचा ११ जणांचा अंतिम संघ -
14:40 (IST)16 Jun 2019
असा आहे भारताचा अंतिम ११ जणांचा संघ -
14:36 (IST)16 Jun 2019
पाकिस्तानने नाणेफेक जिंकली, प्रथम गोलंदाजी करण्याचा निर्णय

भारतीय संघात विजय शंकरला स्थान, लोकेश राहुल सलामीला येणार

13:50 (IST)16 Jun 2019
भारत विरुद्ध पाकिस्तान सामन्यासाठी दोन्ही संघांचे चाहते सज्ज, मैदानाबाहेर गेली गर्दी
13:25 (IST)16 Jun 2019
भारत विरुद्ध पाकिस्तान सामन्यासाठी स्टेडीयमवर चाहत्यांची गर्दी

First Published on June 16, 2019 1:15 pm

Web Title: icc cricket world cup 2019 india vs pakistan manchester live updates psd 91