09 April 2020

News Flash

Ind vs NZ : कर्णधार म्हणून विराट पहिल्याच कसोटीत अपयशी

अवघ्या २ धावा काढत विराट माघारी

वेलिंग्टन कसोटी सामन्यात न्यूझीलंडने नाणेफेक जिंकत प्रथम गोलंदाजी करण्याचा निर्णय घेतला. वेलिंग्टनच्या खेळपट्टीवरचं गवत आणि वाऱ्याची दिशा याचा पुरेपूर फायदा घेत न्यूझीलंडच्या गोलंदाजांनी भारतीय फलंदाजांचा चांगलच कात्रीत पकडलं. सलामीवीर पृथ्वी शॉ, चेतेश्वर पुजारा आणि कर्णधार विराट कोहली झटपट माघारी परतले.

पृथ्वी आणि चेतेश्वर यांनी पहिल्या डावात दोन आकडी धावसंख्या गाठली, मात्र कर्णधार विराट जेमिसनच्या गोलंदाजीवर स्लिपमध्ये उभ्या असलेल्या रॉस टेलरच्या हाती झेल देत माघारी परतला, त्याने अवघ्या २ धावा केल्या. न्यूझीलंडमधे कसोटी क्रिकेटमधली विराटची ही सर्वात निचांकी धावसंख्या ठरली आहे. याआधी २०१४ साली ऑकलंड कसोटीत विराटने ४ धावा केल्या होत्या.

याचसोबत न्यूझीलंडमध्ये कसोटी सामन्यात पहिल्या डावात सर्वात कमी धावा करणाऱ्या भारतीय कर्णधारांमध्ये विराटचं नाव आता सौरव गांगुलीसोबत घेतलं जाणार आहे.

भारताकडून मयांक अग्रवाल आणि अजिंक्य रहाणेने संयमी खेळी करत पहिल्या सत्रापर्यंत संघाचा डाव सावरला. मात्र उपहारानंतरच्या सत्रानंतर मयांक अग्रवाल ट्रेंट बोल्टच्या गोलंदाजीवर माघारी परतला, त्याने ३४ धावा केल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 21, 2020 7:26 am

Web Title: ind vs nz 1st test virat kohli fails as a captain scores only 2 runs in 1st inning psd 91
टॅग Virat Kohli
Next Stories
1 Ind vs NZ : मैदानावर पाऊल ठेवताच न्यूझीलंडच्या रॉस टेलरचं शतक
2 Ind vs NZ 1st Test Day 1 : पावसाच्या व्यत्ययामुळे अखेरचं सत्र वाया
3 महिला ट्वेन्टी-२० विश्वचषक क्रिकेट : भारताचे विश्वविजेतेपदाचे उद्दिष्ट
Just Now!
X