04 August 2020

News Flash

अर्सेनेल अजिंक्य

तब्बल नऊ वर्षांचा जेतेपदांचा दुष्काळ संपवत अर्सेनेलने हल सिटीवर ३-२ अशी निसटती मात करत एफए चषक फुटबॉल स्पर्धेच्या जेतेपदावर नाव कोरले.

| May 19, 2014 07:21 am

तब्बल नऊ वर्षांचा जेतेपदांचा दुष्काळ संपवत अर्सेनेलने हल सिटीवर ३-२ अशी निसटती मात करत एफए चषक फुटबॉल स्पर्धेच्या जेतेपदावर नाव कोरले. कुठल्याही मोठय़ा स्पर्धेच्या अंतिम फेरीत पहिल्यांदाच खेळणाऱ्या हल सिटीने २-० अशी आघाडी घेत दमदार आगेकूच केली. मात्र सँटी काझरेला आणि लॉरेन्ट कोसइमीने गोल करत अर्सेनेलला बरोबरी करून दिली.
निर्धारित वेळेत मुकाबला बरोबरीत सुटला. अतिरिक्त वेळेत आरोन रामसेने दिमाखदार गोल करत अर्सेनेलच्या विजयावर शिक्कामोर्तब केले. ‘‘स्पर्धेतील बहुतांशी सामन्यांच्या पहिल्या सत्रात आम्ही प्रतिस्पर्धी संघाला गोल करू दिले. मात्र प्रत्येक वेळी पुनरागमन करण्यात आम्ही यश मिळवले. संघाला जेतेपद मिळवून देणारा गोल करण्याचे मी स्वप्न पाहिले होते. या गोलने ते प्रत्यक्षात साकारले,’’ असे रामसेने सांगितले. यंदाच्या हंगामातला रामसेचा हा १६वा गोल होता. व्यवस्थापक अर्सेन वेन्गर यांच्या मार्गदर्शनाखाली विविध संघांनी मिळून पाच एफए चषकावर कब्जा
केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 19, 2014 7:21 am

Web Title: julian draxler may be arsenals next outside the box
Next Stories
1 केनियाचे वर्चस्व
2 फक्त विश्वचषकवारी!
3 चित्तथरारक!
Just Now!
X