“बटर चिकन आणि बिर्याणीवर ताव मारूनही धोनी मैदानात सुसाट धावायचा”

लारा, कॅलीस, संगाकाराच्या पंगतीत विराटलाही स्थान

एका मुलाखतीत बोलताना कैफ म्हणाला, “मी धोनीसोबत खेळपट्टीवर धावायचो, ते दिवस मला अजूनही आठवतात. ज्या वेगाने आणि ऊर्जेने तो धाव घेण्यासाठी धावायचा, ती ऊर्जा अफाट होती. मला वाटतं की खेळपट्टीवर धाव घेणारा धोनीच सर्वात जलद खेळाडू असेल. जिममध्ये न जाता, बटर चिकन आणि बिर्याणीवर जोरदार ताव मारणारा आणि तरीही इतकी वेगवान धाव घेणारा धोनी पाहून मी तर थक्कच व्हायचो.”

“एकाच वेळी दोन सामने असल्यास विराटपेक्षा रोहितचा सामना बघेन”

“जर एकाच वेळी एकाच शहरात भारतीय संघ दोन सामने खेळणार असला, तर मी विराटच्या नेतृत्वाखालील सामना न पाहता रोहितच्या नेतृत्वाखालील सामना पाहण्याचा पसंती देईन. विराट हा एक उत्तम खेळाडू आहे आणि त्याची क्रिकेट कारकीर्द उल्लेखनीय आहे यात वादच नाही. पण रोहितची शैली वेगळी आहे. तो जेव्हा फटकेबाजी करतो तेव्हा सामना पाहायला अधिक मजा येते आणि महत्वाचे म्हणजे गोलंदाजाला कळतही नाही त्याच्यावर आता हल्ला चढवला जाणार आहे”, असं मोहम्मद कैफने स्पष्ट केले.