अमेरिकन ओपन ग्रँडस्लॅम स्पर्धेचं विजेतेपद मिळवण्याचं व्हिक्टोरिया अझरेंकाचं स्वप्न भंगलं आहे. जपानच्या नाओमी ओसाकाने अंतिम सामन्यात व्हिक्टोरियावर १-६, ६-३, ६-३ अशी मात केली. ओसाकाचं हे तिसरं ग्रँडस्लॅम विजेतेपद ठरलं. या तीन पैकी दोन विजेतेपद तिने अमेरिकन ओपन स्पर्धेत मिळवली आहेत. उपांत्य फेरीत सेरेना विल्यम्सवर मात करणाऱ्या व्हिक्टोरिया अझरेंकाने धडाकेबाज सुरुवात केली. १-६ अशा अंतराने पहिला सेट खिशात घातल्यानंतर दुसऱ्या सेटमध्ये अझरेंकाकडे ३-० अशी आघाडी होती. मात्र यानंतर ओसाकाने सामन्याचं चित्रच पालटून टाकलं. सलग सहा गेम पॉईंट जिंकत ओसाकाने ६-३ च्या फरकाने दुसरा सेट जिंकला. यानंतर तिसऱ्या सेटमध्येही ओसाकाने व्हिक्टोरियाला कडवी झुंज देत ६-३ ने सेट जिंकत विजेतेपदावर आपलं नाव कोरलं.
