पुढील महिन्यात न्यूझीलंडमध्ये होणाऱ्या हॉक बे चषक हॉकी स्पध्रेकरिता भारतीय महिला हॉकी संघाची घोषणा करण्यात आली आहे. भारताची कर्णधार रितू राणीला विश्रांती देण्यात आली असून या स्पध्रेत वरिष्ठ बचावपटू दीपिकाकडे संघाचे नेतृत्व सोपविण्यात आले आहे. सुशिला चानू पुख्रबांम उपकर्णधाराची जबाबदारी पार पाडेल. २ ते १० एप्रिल या कालावधीत ही स्पर्धा पार पडणार आहे. जागतिक क्रमवारीत १३ व्या स्थानावर असलेल्या भारतीय संघाला ‘ब’ गटात स्थान देण्यात आले आहे. त्यांच्यासमोर जागतिक क्रमवारीत वरचढ असलेल्या न्यूझीलंड, चीन आणि आर्यलड यांचे आव्हान असेल.
