Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

भारत आणि इंग्लंड दरम्यान खेळल्या जाणाऱ्या कसोटी मालिकेदरम्यान आयसीसी क्रमवारीत चढउतार दिसून येत आहेत.

Test Cricket Ranking: रोहित शर्मा टॉप ५ मध्ये (Photo- Reuters)

भारत आणि इंग्लंड दरम्यान खेळल्या जाणाऱ्या कसोटी मालिकेदरम्यान आयसीसी क्रमवारीत चढउतार दिसून येत आहेत. चांगल्या फॉर्मात असलेला इंग्लंडचा कर्णधार जो रूट कसोटी क्रिकेटच्या फलंदाजी क्रमवारीत पहिल्या स्थानावर विराजमान झाला आहे. तर दुसरीकडे भारतीय कर्णधार विराट कोहलीला खराब कामगिरीचा फटका बसला आहे. टॉप ५ फलंदाजांच्या क्रमवारीतून मागे पडला आहे. तर रोहित शर्माला टॉप ५ फलंदाजांमध्ये स्थान मिळालं आहे.

पाच वर्षात पहिल्यांदाच कर्णधार विराट कोहली टॉप ५ मधून बाहेर गेला आहे. विराट कोहली इंग्लंड दौऱ्यावर खेळल्या गेलेल्या ५ डावात फक्त एक अर्धशतक झळकवण्यात यशस्वी ठरला आहे. त्यामुळे विराट कोहलीला ९ गुणांचं नुकसान झालं. त्यामुळे आता ७६६ गुणांसह तो सहाव्या स्थानावर आहे. तर आघाडीचा फलंदाज रोहित शर्मा कसोटीत चांगली कामगिरी करत आहे. दोन वर्षापूर्वी जेव्हा रोहित शर्माला कसोटीत संधी देण्यात आली होती. तेव्हा रोहित क्रमवारीत ५३ व्या स्थानी होता. मात्र त्याच्या चांगल्या खेळीमुळे तो टॉप ५ मध्ये पोहोचला आहे. रोहित शर्मा ७७३ गुणांसह पाचव्या स्थानावर आहे.

Other changes in the @MRFWorldwide ICC Men’s Test Player Rankings for the week:
Rohit Sharma overtakes Virat Kohli
James Anderson enters top five
Details https://t.co/woGyneJVGk pic.twitter.com/9mFl314BS8
— ICC (@ICC) September 1, 2021

इंग्लंडचा कर्णधार जो रूट ६ वर्षानंतर कसोटी क्रमवारीत पहिल्या स्थानावर पोहोचला आहे. या वर्षीच्या सुरुवातील जो रूट फलंदाजांच्या क्रमवारीत नवव्या स्थानावर होता. त्याने त्यांच्या फलंदाजीने खोऱ्याने धावा केल्या आणि पहिलं स्थान पटकावलं आहे. जो रुट ९१६ गुणांसह पहिल्या, न्यूझीलंडचा केन विलियमसन ९०१ गुणांसह दुसऱ्या, ऑस्ट्रेलियाचा स्टीव स्मित ८९१ गुणांसह तिसऱ्या, तर मार्नस लॅबुशेंज ८७८ गुणांसह चौथ्या स्थानावर आहे.

England captain @root66 surges to the top spot in the @MRFWorldwide ICC Men’s Test Player Rankings for batting
More on his rise
— ICC (@ICC) September 1, 2021

दुसरीकडे कसोटी गोलंदाजीत ऑस्ट्रेलियाच पॅट कमिन्स ९०८ गुणांसह पहिल्या स्थानावर आहे. ८३९ गुणांसह आर. अश्विन दुसऱ्या स्थानी, ८२४ गुणांसह टीम साऊदी तिसऱ्या, ८१६ गुणांसह जोश हेझलवूड चौथ्या स्थानी, तर इंग्लंडचा जेम्स अँडरसन ८१३ गुणांसह पाचव्या स्थानावर आहे. भारताचा वेगवान गोलंदाज जसप्रीत बुमराह या क्रमवारीत ७५८ गुणांसह दहाव्या स्थानावर आहे.

First published on: 01-09-2021 at 15:08 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit sharma overtakes virat kohli in test ranking rmt

Test Cricket Ranking: रोहित शर्मा टॉप ५ मध्ये; कर्णधार विराट कोहली पाच वर्षात पहिल्यांदाच…!

भारत आणि इंग्लंड दरम्यान खेळल्या जाणाऱ्या कसोटी मालिकेदरम्यान आयसीसी क्रमवारीत चढउतार दिसून येत आहेत.