मुंबईतील वानखेडे स्टेडियमच्या मैदानाची देखरेख करणाऱ्या आणखी दोन कर्मचाऱ्यांसह नळदुरुस्ती करणाऱ्या कर्मचाऱ्याला करोनाची बाधा झाली आहे. राज्य शासनाने वानखेडेवर सामन्यांचे आयोजन करण्याची परवानगी दिली असून मंगळवारपासून रात्री आठ वाजल्यानंतर खेळाडूंना सराव करता येईल, असेही मुंबई क्रिकेट संघटनेने (एमसीए) नुकताच जाहीर केले. काही दिवसांपूर्वीच वानखेडेवरील १० कर्मचाऱ्यांना करोना झाल्याचे वृत्त पसरले होते. परंतु त्यातील अनेकांच्या दुसऱ्या चाचणीचा अहवाल नकारात्मक आला आहे. मात्र आता पुन्हा कर्मचाऱ्यांना करोना झाल्याने मुंबईतील सामन्यांवर करोनाचे सावट निर्माण झाले आहे.
