जागतिक बॉक्सिंग स्पर्धा नवी दिल्ली : जर्मनीतील कोलोग्नेत सुरू असलेल्या जागतिक बॉक्सिंग स्पर्धेत भारताच्या पिंकी राणीने ५१ किलो वजनी गटात विजयी कामगिरीसह उपांत्यपूर्व फेरीत प्रवेश केला. तसेच भारताची या स्पर्धेतील किमान दोन पदके निश्चित झाली आहेत.पिंकीने जर्मनीच्या उरसुला गोटलॉबला ५-० असे पराभूत केले, तर भारताच्या मीना कुमारी मेस्नाम आणि प्विलो बासुमातरी यांच्याकडून भारताला किमान रौप्य आणि कांस्यपदक निश्चित झाले आहेत. ५४ किलो वजनी गटात मीना कुमारी विजयी कामगिरीसह अंतिम फेरीत पोहोचली आहे, तर बासुमातरी उपांत्य फेरीत पोहोचले आहेत. वर्षअखेरीस होणाऱ्या जागतिक अजिंक्यपद स्पर्धेच्या पाश्र्वभूमीवर ही स्पर्धा खेळाडूंसाठी अत्यंत चांगली आहे. २१ देशांमधील बॉक्सिंगपटू १७ वजनी प्रकारात सहभागी झाले आहेत.
