Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

कूक आपल्या कारकिर्दीतील शेवटचा सामना खेळत असून या सामन्यानंतर तो क्रिकेटमधून निवृत्त होणार आहे.

अॅलिस्टर कूक

भारताविरुद्ध सुरु असलेल्या सामन्यात सध्या इंग्लंडचा दुसरा डाव सुरु आहे. या सामन्यात आता इंग्लंड भक्कम आघाडीच्या दिशेने वाटचाल करत आहे. इंग्लंडला भक्कम धावसंख्येकडे नेण्यामागे अलिस्टर कुक आणि जो रूट या दोन अनुभवी फलंदाजांचा हात आहे. यातील कूकसाठी हा सामना विशष महत्वाचा आहे. कूक आपल्या कारकिर्दीतील शेवटचा सामना खेळत असून या सामन्यानंतर तो क्रिकेटमधून निवृत्त होणार आहे. मात्र हा सामना त्याच्या साठी एक विशेष आठवण देणारा ठरला आहे. कूकने आपल्या शेवटच्या सामन्यात एका प्रतिष्ठेच्या यादीत ‘टॉप ५’मध्ये स्थान मिळवले आहे.

इंग्लंडच्या दुसऱ्या डावात कूकने हा बहुमान पटकावला आहे. त्याने आपल्या शेवटच्या डावात उत्तम खेळी करत कसोटी क्रिकेटच्या इतिहासात सर्वाधिक धावा करणाऱ्या फलंदाजाच्या यादीत पाचव्या क्रमांकाचा फलंदाज होण्याचा मान मिळवला आहे.

On his way to a dream final century, Alastair Cook broke into the top five Test run-scorers of all time!
Read more https://t.co/KMha1oGd9e pic.twitter.com/WwTRNofNeF
— ICC (@ICC) September 10, 2018

या यादीत मास्टर ब्लास्टर सचिन तेंडुलकर हा १५९२१ धावांसह अव्वलस्थानी आहे. तर रिकी पॉन्टिंग (१३,३७८), जॅक कॅलिस (१३,२८९) आणि राहुल द्रविड (१३,२८८) हे यादीत अनुक्रमे दुसऱ्या, तिसऱ्या आणि चौथ्या क्रमांकावर विराजमान आहेत.

In his final innings, Alastair Cook passes @KumarSanga2 to become the fifth-highest run-scorer, and the highest scoring left-handed batsman in Test cricket history! Congratulations Chef! #ENGvIND #CookRetires pic.twitter.com/2GxH7NNanj— ICC (@ICC) September 10, 2018

या यादीत गेले अनेक दिवस श्रीलंकेचा माजी कर्णधार कुमार संगकारा हा १२,४४० धावांसह पाचव्या स्थानी होता. मात्र पहिल्या डावात अर्धशतक (७१) आणि दुसऱ्या डावात शतकी खेळी करत कूकने या यादीच्या टॉप ५ मध्ये स्थान मिळवले आहे.

First published on: 10-09-2018 at 18:19 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Alastair cook made it to the top 5 list of highest run scorers in test cricket

Ind vs Eng : …आणि शेवटच्या सामन्यात कूकने मिळवले ‘टॉप ५’मध्ये स्थान!

कूक आपल्या कारकिर्दीतील शेवटचा सामना खेळत असून या सामन्यानंतर तो क्रिकेटमधून निवृत्त होणार आहे.