हिटमॅन-गब्बरच्या शतकी खेळीपुढे पाकिस्तानची धुळधाण, ९ गडी राखून विजय मिळवत भारत अंतिम फेरीत

शिखर धवन पाठोपाठ भारताचा कर्णधार रोहित शर्माचं शतक, पाकिस्तानी गोलंदाजांनी विजयाची आशा सोडली

चोरटी धाव घेण्याच्या प्रयत्नात शिखर धवन धावबाद, भारताचा पहिला गडी माघारी

पाकिस्तानी गोलंदाजांचा समाचार घेत शिखर धवनचं सामन्यात शतक, भारत विजयाच्या नजीक.

स्पर्धेतलं शिखरचं दुसरं शतक

पाकिस्तानी गोलंदाजांचा नेटाने सामना करत भारताच्या सलामीवीरांनी शतकी भागीदारी रचत भारताची बाजू वरचढ केली आहे. शिखर धवनपाठोपाठ रोहित शर्माचंही अर्धशतक

रोहित शर्मा आणि शिखर धवन जोडीकडून डावाची आश्वासक सुरुवात. शिखर धवनचं अर्धशतक

भारताला विजयासाठी २३८ धावांचं आव्हान

जसप्रीत बुमराहच्या गोलंदाजीवर शादाब खान त्रिफळाचीत

युझवेंद्र चहलने टाकलेल्या गुगलीवर आसिफ अली फसला, पाकिस्तानचा सहावा गडी माघारी

चोरटी धाव घेण्याच्या नादात कर्णधार सरफराज अहमद आणि बाबर आझममध्ये गोंधळ उडाला, बाबर आझम धावचीत

खेळपट्टीवर जम बसवू पाहणाऱ्या फखर झमानला पायचीत करत कुलदीपने पाकची जमलेली जोडी फोडली. पाकिस्तानचा दुसरा गडी माघारी

दुसऱ्या विकेटसाठी दोन्ही फलंदाजांमध्ये ३१ धावांची भागीदारी, पाकिस्तानने ओलांडला ५० धावांचा टप्पा

इमाम उल हक आणि फखार झमान जोडीने पाकिस्तानच्या डावाची सावध सुरुवात केली. मात्र चहलने इमाम उल हकला पायचीत करुन माघारी धाडलं. भारतीय खेळाडूंनी केलेलं अपील पंचांनी फेटाळून लावलं होतं, मात्र धोनीच्या सल्ल्याने रोहित शर्माने पंचांच्या निर्णयाला आव्हान दिलं. तिसऱ्या पंचांच्या पाहणीत इमाम बाद असल्याचं समोर आलं. पाकिस्तानला पहिला धक्का

साखळी फेरीत पराभव स्विकारावा लागल्यानंतर, Super 4 गटातल्या सामन्यासाठी पाकिस्तानने आपल्या संघात २ बदल केले आहेत. भारताने मात्र आपल्या संघात कोणतेही बदल केले नाहीयेत.