Asia Cup 2022 : शाहीन आफ्रिदीनंतर पाकिस्तानला आणखी एक धक्का, ‘हा’ वेगवान गोलंदाज स्पर्धेतून बाहेर

हेही वाचा >> सगळे म्हणतात शतक ठोकलंच पाहिजे, पण विराट कोणत्या परिस्थितीतून जातोय? पहिल्यांदाच थेट भाष्य करत म्हणाला, “महिनाभर…”

शाहीन आफ्रिदीनंतर आता पाकिस्तानचा आणखी एक खेळाडू दुखातपग्रस्त झाला असून तो स्पर्धेच्या बाहेर पडला आहे. मोहम्मद वसीमला पाठीचा त्रास जाणवत आहे. २५ ऑगस्ट रोजी सराव करताना त्याला हा त्रास सुरू झाला होता. दरम्यान, या दुखापतीनंतर त्याची वैद्यकीय तपासणी करण्यात आली आहे. त्यानंतर दुखापतीमुळे तो आशिया चषक स्पर्धेतून बाहेर पडला आहे. शाहीन आफ्रिदीनंतर महोम्मद वसीम या स्पर्धेतून बाहेर पडल्यामुळे याचा फटका पाकिस्तानी संघाला बसण्याची शक्यता आहे. दोन आघाडीचे वेगवान गोलंदाज नसल्यामुळे भारतासाठी ही जमेची बाजू ठरण्याची शक्यता आहे.

हेही वाचा >> Asia Cup 2022 : आजपासून आशिया चषकाला सुरूवात; जाणून घ्या भारतात कुठे आणि किती वाजता बघता येईल सामने?

दरम्यान, आज या स्पर्धेला सुरुवात होत असली तरी भारतीयांसाठी ही स्पर्धा खऱ्या अर्थाने २८ ऑगस्ट रोजी सुरू होणार आहे. कारण २८ ऑगस्ट रोजी पाकिस्तान आणि भारत संघ एकमेकांना भिडणार असून या सामन्यात कोण जिंकणार याकडे सर्वांचेच लक्ष लागले आहे. संयुक्त अरब अमिरातीमध्ये ही स्पर्धा होत आहे.