Sri Lanka vs Hong kong Asia Cup 2025 Highlights: संयुक्त अरब अमिरातीत सुरू असलेल्या आशिया चषक स्पर्धेत युएईने ओमानवर विजय मिळवला. दुसरी लढत श्रीलंका आणि हाँगकाँग यांच्यात होत आहे.
Asia Cup 2025 Sri Lanka vs Hong Kong Highlights: आशिया चषक हाँगकाँग वि. श्रीलंका सामन्याचे हायलाईट्स
श्रीलंकेचा हाँगकाँगवर संघर्षमय विजय
सुपर फोर फेरीत प्रवेशाच्या दृष्टीने विजय आवश्यक असणाऱ्या श्रीलंकेला हाँगकाँगविरुद्ध विजयासाठी संघर्ष करावा लागला. हाँगकाँगने प्रथम फलंदाजी करताना १४९ धावांची मजल मारली. पाथुम निसांकाच्या अर्धशतकी खेळीच्या बळावर श्रीलंकेचा संघ विजयाच्या दिशेने सहज वाटचाल करत होता. मात्र हाँगकाँगने अवघ्या १० मिनिटात ४ विकेट्स घेत श्रीलंकेच्या डावाला खिंडार पाडलं. वानिदू हासारंगाने फलंदाजीतली उपयुक्तता सिद्ध करत ९ चेंडूत नाबाद २० धावांची खेळी करत संघाच्या विजयावर शिक्कामोर्तब केलं.
हाँगकाँगने निझाकत खानच्या ५२ आणि अँशी रथच्या ४८ धावांच्या खेळीच्या बळावर श्रीलंकेसमोर १५० धावांचं लक्ष्य ठेवलं. खानने ३८ चेंडूत ४ चौकार आणि २ षटकारांसह ५२ धावांची खेळी साकारली. रथने ४६ चेंडूत ४ चौकारांसह ४८ धावा केल्या. श्रीलंकेतर्फे दुश्मंत चमीराने २ तर वानिंदू हासारंगा आणि दासून शनका यांनी प्रत्येकी १ विकेट घेतली.
प्रत्युत्तरादाखल खेळताना श्रीलंकेने नियमित अंतरात विकेट्स गमावल्या पण पाथुम निसांकाने विविध साथीदारांना हाताशी घेत किल्ला लढवला. निसांकाने ६ चौकार आणि २ षटकारांसह ६८ धावांची खेळी केली. विजय दृष्टिक्षेपात आलेला असताना निसांका धावबाद झाला. पाठोपाठ कुशल परेराही बाद झाला. कर्णधार चरित असालंका आणि कामिंदू मेंडिस माघारी परतल्याने हाँगकाँगने चमत्कार घडवणार असं चित्र निर्माण झालं. मात्र वानिंदू हासारंगाने सगळा अनुभव पणाला लावत श्रीलंकेला विजय मिळवून दिला. १८व्या षटकात मिळालेला नोबॉल आणि हाँगकाँगच्या ढिसाळ क्षेत्ररक्षणाचा श्रीलंकेने फायदा उठवला.
हाँगकाँगची मुसंडी; श्रीलंकेने १० मिनिटात गमावल्या ४ विकेट्स
हाँगकाँगने बलाढ्य श्रीलंकेला दणका देत वाटचाल केली आहे. अवघ्या १० मिनिटात श्रीलंकेने ४ विकेट्स गमावल्या आहेत. कर्णधार चरित असालंकापाठोपाठ कामिंदू मेंडिसही बाद होऊन परतला आहे.
Asia Cup 2025: टीम इंडियाची सुपर फोरमध्ये धडक, युएईमुळे पाकिस्तानवर स्पर्धेबाहेर होण्याची भिती; कसं आहे समीकरण?
श्रीलंकेचा कर्णधारही माघारी
कर्णधार चरित असालंकाकडून अपेक्षा असताना तोच बाद होऊन तंबूत परतला आहे. एहसान खानने त्याला बाद केलं.
दोन चेंडूत दोन विकेट्स; हाँगकाँग चमत्कार घडवणार?
सामन्याची सूत्रं हाती घेतलेल्या पाथुम निसांकापाठोपाठ कुशल परेराही बाद झाल्याने श्रीलंकेचा संघ अडचणीत सापडला आहे. कुशलने २० धावा केल्या. खेळपट्टीवर स्थिरावलेले दोन फलंदाज माघारी परतल्याने कर्णधार चरित असालंकावर मोठी जबाबदारी आहे.
श्रीलंकेला धक्का
शतकाकडे कूच करणारा पाथुम निसांका रनआऊट होऊन तंबूत परतला आहे. ४४ चेंडूत ६८ धावा करून निसांका बाद झाला आहे.
पाथुम निसांकाचं अर्धशतक
श्रीलंकेचा ऑल फॉरमॅट स्पेशालिस्ट पाथुम निसाकांने आणखी एक अर्धशतक साकारलं आहे. निसाकांने सामन्याची सूत्रं हाती घेतली आहेत.
Asia Cup 2025: युएईच्या कर्णधाराचा वर्ल्ड रेकॉर्ड, टी-२० इतिहासात ही कामगिरी करणारा जगातील पहिला फलंदाज
कुशल मेंडिस माघारी
फटकेबाजीच्या प्रयत्नात असलेल्या कुशल मेंडिसला हाँगकाँगच्या आयुष शुक्लाने बाद केलं. त्याने ११ धावा केल्या.
हाँगकाँगने प्रथम फलंदाजी करताना अनुभवी श्रीलंका संघासमोर चांगली कामगिरी करत मोठी धावसंख्या उभारली. हाँगकाँगने प्रथम फलंदाजी करताना ४ विकेट्स गमावत १४९ धावा केल्या. यामध्ये सलामीवीर अंशुमन रथने ४८ धावांची तर निजाकत खानने नाबाद ५२ धावांची महत्त्वपूर्ण खेळी केली. यासह श्रीलंकेला विजयासाठी १५० धावांचं लक्ष्य दिलं आहे.
निजाकत खानचं अर्धशतक
हाँगकाँग संघाचा मधल्या फळीतील फलंदाज निजाकत खानने उत्कृष्ट फलंदाजी करत अर्धशतक झळकावलं आहे. निजाकत खानने अनुभवी श्रीलंका संघासमोर शानदार फटकेबाजी केली आणि ३६ चेंडूत ४ चौकार आणि २ षटकारांसह ५१ धावा केल्या आहेत.
श्रीलंकेसारख्या अनुभवी संघाविरुद्ध खेळताना हाँगकाँगने चांगली सुरुवात केली आहे. हाँगकाँगच्या सलामीवीरांनी चांगली सुरूवात करून दिली.
युएईने मारली बाजी
ओमानने टॉस जिंकून बॉलिंगचा निर्णय घेतला पण युएईच्या फलंदाजांनी दमदार खेळ केला. युएईने १७२ धावांची मजल मारली. कर्णधार मुहम्मद वासीमने ६९ धावांची खेळी केली. प्रत्युत्तरादाखल खेळताना ओमानचा डाव १३० धावांतच आटोपला. जुनैद सिद्दीकीने २३ धावांत ४ विकेट्स घेतल्या.
युएईचा ओमानवर विजय
मुहम्मद वासीम आणि जुनैद सिद्दीकी यांच्या शानदार खेळाच्या बळावर युएईने ओमानवर ४२ धावांनी विजय मिळवला.
जुनैद सिद्दीकी ठरला किमयागार
ओमानचा डाव झटपट गुंडाळण्यात युएईचा जुनैद सिद्दीकी किमयागार ठरला. जुनैदने सातत्याने विकेट्स पटकावत ओमानच्या डावाला खिंडार पाडलं.
युएई विजयाच्या दिशेने
युएईने दमदार विजयाच्या दृष्टीने वाटचाल केली आहे. ओमानने सात विकेट्स गमावल्या आहेत. धावगतीचं आव्हान १३च्या पुढे गेलं आहे.
ओमानने ओलांडली शंभरी
अडखळत सुरुवातीनंतर ओमानने शंभरीचा टप्पा ओलांडला आहे. पण धावगतीचं आव्हान त्यांच्यासाठी कठीण झालं आहे.
ओमानची घसरण सुरूच
युएईच्या गोलंदाजीसमोर ओमानची घसरण सुरूच असून त्यांनी ४ विकेट्स गमावल्या आहेत.
ओमानची अडखळत सुरुवात
मोठ्या लक्ष्याचा पाठलाग करायला उतरलेल्या ओमानला सुरुवातीलाच दोन धक्के बसले. जतिंदर सिंग आणि आमीर कलीम हे बिनीचे शिलेदार झटपट तंबूत परतले.
युएईने ओमानसमोर ठेवलं १७३ धावांचं लक्ष्य
कर्णधार मुहम्मद वासिमच्या ६९ धावांच्या खेळीच्या बळावर युएईने ओमानविरुद्ध १७२ धावांची मजल मारली. वासिमने ६ चौकार आणि ३ षटकारांसह ५४ चेंडूत ६९ धावा केल्या. ओमानकडून जितेन रामानंदीने २ विकेट्स पटकावल्या.
मुहम्मद वासिमची फटकेबाजी, युएईनो ओलांडला दीडशेचा टप्पा
मुहम्मद वासिमच्या तडाखेबंद फटकेबाजीच्या जोरावर युएईने दीडशेचा टप्पा ओलांडला आहे.
समय श्रीवास्तव चमकला
समय श्रीवास्तवने असिफ खानला बाद केलं. तो केवळ दोनच धावा करू शकला.
जितेन रामानंदीने मिळवून दिलं ओमानला पहिलं यश
जितेन रामानंदीने ओमानला युएईविरुद्ध पहिलं यश मिळवून दिलं. त्याने अलिशान शराफूला बाद केलं. त्याने ३८ चेंडूत ५१ धावांची खेळी केली.
युएईची खणखणीत सुरुवात
मुहम्मद वासीम आणि अलिशान शराफू यांनी युएईला दमदार सुरुवात करून दिली आहे. अबू धाबीत सुरू असलेल्या या लढतीत ओमानने नाणेफेक जिंकून बॉलिंगचा निर्णय घेतला आहे. ओमानच्या गोलंदाजांना या संधीचं सोनं करता आलेलं नाही.
