भाजप नेत्याच्या मुलाचे कृत्य लज्जास्पद! सेहवागचा ट्विटरवरुन ‘डोस’

Chandigarh stalking incident is shameful & a fair probe should be done without any influence. Koi bhi ho,
Kaayde me rahoge,Faayde me rahoge

— Virender Sehwag (@virendersehwag) August 7, 2017

हरयाणातील एका आयएएस अधिकाऱ्याच्या मुलीच्या कारचा पाठलाग करून छेड काढल्याप्रकरणी भाजपचे प्रदेशाध्यक्ष सुभाष बराला यांचा मुलगा विकास बराला (वय २३) आणि त्याचा मित्र आशिष कुमार (वय २७) या दोघांची अटकेनंतर जामिनावर सुटका करण्यात आली होती. त्यानंतर सर्व स्तरातून सुभाष बराला यांच्यावर टीका होत आहे. बड्या नेत्याच्या मुलगा असला तरी कायद्याचे उल्लंघन करणाऱ्याला शिक्षा व्हायलाच हवी, असा सूर सोशल मीडियावर पाहायला मिळतोय. चंदिगढ पोलिसांना या घटनेप्रकरणातील संबंधित सीसीटीव्ही फुटेज मिळाले असून, यात आरोपी विकासची कार पीडित तरुणीच्या कारचा पाठलाग करताना दिसते आहे. पोलिसांनी या फुटेजविषयी अधिक माहिती देण्यास नकार दिला असून, आणखी सीसीटीव्ही फुटेज गोळा करण्याचे काम सुरु असल्याचे पोलीस दलातील सूत्रांनी सांगितले. याप्रकरणाचा तपास पूर्ण झाल्यावर गरज भासल्यास आरोपपत्रात आणखी कलमे दाखल केली जातील, असे पोलिसांनी सांगितले.