Candidates Chess : भारताचा १७ वर्षीय ग्रँडमास्टर डी. गुकेशने ऐतिहासिक कामगिरी करत भारताच्या शिरपेचात मानाचा तुरा रोवला आहे. गुकेशने कॅन्डिडेट्स चेस टुर्नामेंट जिंकून इतिहास रचला आहे. तसेच डी. गुकेश ही जागतिक बुद्धीबळ स्पर्धा जिंकणारा सर्वात युवा खेळाडू ठरला आहे. ही स्पर्धा जिंकून त्याने जगज्जेत्या डिंग लिरेनला (चिनी ग्रँडमास्टर) आव्हान दिलं आहे. यावर्षीच्या अखेरीस डी. गुकेश आणि चीनचा ग्रँडमास्टर डिंग लिरेन यांच्यात सामना खेळवला जाईल. जगज्जेत्या बुद्धीबळपटूला आव्हान देणारा खेळाडू निवडण्यासाठी ही स्पर्धा (कॅन्डिडेट्स चेस टुर्नामेंट) आयोजित केली जाते. डी. गुकेश हा भारताचा दिग्गज बुद्धीबळपटू विश्वनाथन आनंदनंतर कॅन्डिडेट्स बुद्धीबळ स्पर्धा जिंकणारा दुसरा भरतीय बुद्धीबळपटू ठरला आहे.

कॅन्डिडेट्स बुद्धीबळ स्पर्धेत गुकेशने अमेरिकन ग्रँडमास्टर हिकारू नाकामुराविरोधातील अंतिम सामना अनिर्णित राखला. स्पर्धेत तो १४ पैकी ९ गुण मिळवण्यात यशस्वी ठरला. यासह त्याने ही स्पर्धा जिंकली आहे. गुकेशने वयाच्या १७ व्या वर्षी ही स्पर्धा जिंकली असून तीन दशकांपासूनचा रशियन बुद्धीबळपटू कास्परोव्हचा विक्रम त्याने मोडीत काढला आहे. १९८४ च्या कॅन्डिडेट्स बुद्धीबळ स्पर्धेत रशियन ग्रँडमास्टर कास्परोव्हने वयाच्या २२ व्या वर्षी ही स्पर्धा जिंकली होती. त्यावेळची स्पर्धा जिंकून कास्परोव्हने त्याचाच देशबांधव जगज्जेत्या कारपोव्हला आव्हान दिलं होतं.

Abhishek Sharma smashed Virat Kohli's record of most sixes in single season
SRH vs PBKS : अभिषेक शर्माने विराटचा विक्रम मोडत रचला इतिहास, ‘हा’ पराक्रम करणारा ठरला पहिला भारतीय
Magnus Carlsen Statement after losing to R Praggnanandhaa
“प्रागविरूद्ध खेळताना माझं डोकं बधीर झालं होतं…” प्रज्ञानंदने केलेल्या पराभवानंतर अव्वल बुध्दिबळपटू कार्लसनचे मोठे वक्तव्य
R Pragyananda defeats Magnus Carlsen in chess tournament sport news
प्रज्ञानंदची कार्लसनवर मात; गुणतालिकेत तिसऱ्या स्थानी; वे यी आघाडीवर
Sai Sudarshan surpasses Ruturaj Gaikwad
GT vs CSK : साई सुदर्शनने सचिन तेंडुलकरचा विक्रम मोडत रचला इतिहास, ‘हा’ खास पराक्रम करणारा ठरला पहिला भारतीय
Piyush Chawla second highest wicket-taker in the IPL with 184 wickets
पियुष चावलाने ड्वेन ब्राव्होचा विक्रम मोडत रचला इतिहास, आयपीएलमध्ये ‘हा’ पराक्रम करणारा ठरला दुसरा गोलंदाज
Ipl captains misses out
ICC T-20 World Cup: ऋतुराज, राहुल, श्रेयस आणि शिखर- भारतीय आयपीएल कर्णधार वर्ल्डकपच्या शर्यतीतून बाहेर
MS Dhoni Becomes The First player to Win 150 Games in IPL
IPL 2024: एम एस धोनीच्या नावे मोठा विक्रम, आयपीएलच्या इतिहासात ‘ही’ कामगिरी करणारा ठरला पहिला खेळाडू
the indian archer
विश्वचषक तिरंदाजी स्पर्धा: ऐतिहासिक सुवर्णयश; ऑलिम्पिक विजेत्या कोरियाला नमवत भारतीय पुरुष संघाची जेतेपदावर मोहोर

दरम्यान, या विजयानंतर गुकेश म्हणाला, मला खूप आनंद झाला आहे. मी फॅबियो कारुआना आणि इयान नेपोनिआचमधील रोमांचक सामना पाहत होतो. त्याचा मला अंतिम सामन्यात फायदा झाला.

पाच वेळा विश्वविजेता बनलेल्या महान बुद्धीबळपटू विश्वनाथन आनंदने कॅन्डिडेट्स बुद्धीबळ स्पर्धा जिंकणाऱ्या गुकेशची पाठ थोपटली आहे. आनंदने एक्स या मायक्रोब्लॉगिंग प्लॅटफॉर्मवर गुकेशच्या अभिनंदनाची पोस्ट लिहिली आहे. यामध्ये आनंदने म्हटलं आहे की, सर्वात युवा चॅलेंजर बनल्याबद्दल डी. गुकेशचं अभिनंदन. तू जे काही साध्य केलं आहेस त्याचा आम्हाला खूप अभिमान आहे. कठीण प्रसंगी तू कसा खेळलास, अवघड प्रसंग कसे हाताळलेस ते पाहून मला तुझा अभिमान वाटतो. तू आता या खास क्षणाचा आनंद घे.