दक्षिण आफ्रिकेचा भारत दौरा सप्टेंबर महिन्यात होणार आहे. भारत आणि दक्षिण आफ्रिका यांच्यामध्ये ३ टी २० सामन्यांची मालिका खेळवण्यात येणार आहे. या मालिकेसाठी दक्षिण आफ्रिकेच्या संघाचे कर्णधारपद यष्टीरक्षक क्विंटन डी कॉककडे सोपवण्यात आले आहे. या संघातून फाफ डू प्लेसिसला वगळण्यात आले आहे. पण कसोटी संघाच्या कर्णधारपदी मात्र डू प्लेसिस कायम ठेवण्यात आले आहे. याच दौऱ्यातील टी २० मालिकेसाठी डेल स्टेनला देखील वगळण्यात आले आहे. त्यावरून एका फॅनने स्टेनला प्रश्न विचारताच त्याने चक्क विराट कोहलीची माफी मागितली आहे. डेल स्टेनने कसोटी क्रिकेटमधून निवृत्ती जाहीर केली आहे. पण डेल स्टेनला आफ्रिकेच्या टी २० संघातही स्थान मिळालेले नाही. त्यामुळे एका क्रिकेट चाहत्याने डेल स्टेनला एक प्रश्न विचारला. "निवड समिती कदाचित तुला मोठ्या आणि अधिक महत्वाच्या सामन्यांसाठी जपून ठेवत आहे.", असे चाहत्याने स्टेनले उद्देशून म्हटले. तसेच चाहत्याने सध्या निवड समितीत कोण आहे?, असा प्रश्न विचारला. The new selectors are obviously saving you for the 'big' games. (Who are the new selectors?) — Neil Manthorp (@NeilManthorp) August 13, 2019 चाहत्याच्या प्रश्नाचे उत्तर देताना स्टेनने थेट टीम इंडियाचा कर्णधार विराट कोहलीचीच माफी मागितली. स्टेनला मोठ्या सामन्यांसाठी राखून ठेवण्यात आले आहे म्हणजेच भारत हा संघ निवडकर्त्यांना तितकासा मोठा संघ वाटत नाही, असे म्हणत स्टेनने विराटची माफी मागितली. Apologies to Virat and a billion people for thinking they not — Dale Steyn (@DaleSteyn62) August 13, 2019 दरम्यान, १५ सप्टेंबरपासून दक्षिण आफ्रिकेचा भारत दौरा सुरू होणार आहे.
