स्पेनच्या १६ वर्षीय खेळाडूने एक गोल करताच युरो कप स्पर्धेत रचला इतिहास

Euro Cup 2024: लामिने यामलने एक दणदणीत गोल करत स्पेनला बरोबरी साधून दिली. या गोलसह स्पेनच्या १६ वर्षीय खेळाडूने युरो कपमध्ये इतिहास रचला आहे.

Lamine Yamal becomes youngest goal scorer in European Championship

Euro Cup 2024 Spain vs France Semi Final: युरो कप २०२४ च्या उपांत्य फेरीत स्पेनने फ्रान्सचा २-१ अशा फरकाने पराभव करत तब्बल १२ वर्षांनी अंतिम फेरी गाठली. फ्रान्सच्या संघाने सामन्याच्या सुरूवातीलाच गोल करत आघाडी मिळवली. एमबाप्पे आणि कोलू मुओनी यांनी युरो कप २०२४ च्या उपांत्य फेरीत ९व्या मिनिटाला पहिला गोल केला. यानंतर १६ वर्षीय खेळाडूने सामन्यात आपली मोलाची भूमिका बजावली आणि स्पेनकडून एक दणदणीत गोल केला. लॅमिने यामलने २५ यार्डावरून शानदार गोल करत स्पेनला बरोबरी साधून दिली. या गोलमुळे तो युरो चषकाच्या इतिहासात गोल करणारा सर्वात तरुण खेळाडू ठरला.

हेही वाचा – कुलदीप यादव बॉलिवूड अभिनेत्रीशी लग्न करणार? वर्ल्डकप विजयानंतर स्वतःच केला खुलासा; म्हणाला…

बार्सिलोनासाठी एक उत्कृष्ट खेळाडू म्हणून उदयास आल्यानंतर, लॅमिने यामलने आंतरराष्ट्रीय मंचावर आपली प्रतिभा दाखवली आहे. यामलने संपूर्ण स्पर्धेत स्पेनसाठी चमकदार कामगिरी केली आणि फ्रान्सविरुद्धच्या उपांत्य फेरीत त्याने मोक्याच्या क्षणी गोली करत संघाला सामन्यात कायम ठेवले. संघ पिछाडीवर असताना या तरुण खेळाडूने बॉक्सच्या बाहेरून शानदार गोल करत फ्रान्सची आघाडी संपुष्टात आणली.

हेही वाचा – Euro Cup 2024: १२ वर्षांनंतर स्पेन युरो कपच्या अंतिम फेरीत, फ्रान्सविरुद्ध अवघ्या ४ मिनिटांत केले दोन गोल

Lamine Yamal makes it 1️⃣-1️⃣ for Spain with a ??????? against France ?

Watch the teenager light up the big stage now, on the #SonySportsNetwork ?#ESPFRA #EURO2024 | @EURO2024 pic.twitter.com/Bmvtj5x7N9
— Sony Sports Network (@SonySportsNetwk) July 9, 2024

यामलच्या गोलनंतर चार मिनिटांनी डॅनी ओल्मोने स्पेनसाठी दुसरा गोल केला आणि अशारितीने स्पेनने २-१ अशी आघाडी मिळवली. लॅमिने यामलने केलेल्या गोलमुळे तो युरोच्या इतिहासातील सर्वात तरुण गोल करणारा खेळाडू ठरला.

This quiz is AI-generated and for edutainment purposes only.

स्पेनने मंगळवारी फ्रान्सवर २-१ असा विजय मिळवून युरो चॅम्पियनशिप २०२४ च्या अंतिम फेरीत प्रवेश केला. कोलो मुआनीने कायलियन एमबाप्पेने बॉल पास केल्यानंतर २१व्या मिनिटाला गोल केला. पण यामलच्या उत्कृष्ट गोलमुळे फ्रान्सने आघाडी घेतली. त्यानंतर चार मिनिटांनी डॅनी ओल्मोने गोल करत संघाला विजय मिळवून दिला. विक्रमी चौथ्यांदा युरोपियन चॅम्पियनशिपचे विजेतेपद पटकावण्याच्या प्रयत्नात असलेला स्पेन रविवारी बर्लिन येथे होणाऱ्या अंतिम फेरीत इंग्लंड किंवा नेदरलँड्सविरूद्ध खेळेल.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Euro 2024 lamine yamal becomes youngest goal scorer in european championship history spain vs france semi final bdg

Euro Cup 2024: स्पेनच्या १६ वर्षीय खेळाडूने एक गोल करताच युरो कप स्पर्धेत रचला इतिहास